Marvic, magħruf għall-parteċipazzjoni tiegħu fl-ewwel staġun ta’ Big Brother Malta, kiteb messaġġ fuq il-paġna tiegħu li jġiegħlna nirriflettu ftit fuq il-maġija tat-tfulija, li tinħoloq minn ġenituri li jkunu jridu jarawna ferħanin.
Fuq il-mezzi soċjali tiegħu kiteb, “Meta tkun għadek żgħir, ma tirrealizzax kompletament li l-gwardjani tiegħek qed joħolqu l-maġija permezz ta’ esperjenzi li qed jagħmlulek, li se jibqgħu miegħek għal ħajtek kollha. Kostum sempliċi tal-Karnival, bħala adult iġib miegħu dik il-maġija li konna nħossu fit-tfulija tagħna. Mhuwiex qabel tagħmel dan iċ-ċirku sħiħ li tirrealizza xi privileġġ kien li għandek dawn il-memorji ferħanin kollha fi tfulitek, mingħand ġenituri li jħobbu l-ħajja.”
Ippubblika wkoll diversi ritratti tiegħu liebes kostumi oriġinali, ikkuluriti u kreattivi.
Facebook / Marvic Cam
