Ixxerja

Il-kantanta lokali Gloriana Arpa Belli qajmet diskussjoni fuq il-midja soċjali wara li qasmet riflessjoni diretta u sinċiera dwar il-valuri tal-ħajja.

Fil-messaġġ tagħha, hija tkellmet dwar dawk li jqiegħdu l-affarijiet materjali, il-flus, il-poter u l-fama fil-qalba tal-ħajja tagħhom, u sostniet li dawn mhumiex l-aktar affarijiet importanti. Minflok, enfasizzat li fl-aħħar mill-aħħar huma l-imħabba u r-rispett reċiproku li verament jgħoddu.

Gloriana saħqet li r-relazzjonijiet b’saħħithom jinbnew fuq kif wieħed jittratta lill-oħrajn, u li dak li tagħti lura lill-persuni ta’ madwarek jirrifletti direttament fuq dak li tirċievi. Hija temmet il-messaġġ tagħha b’ton qawwi, fejn wissiet li min jgħix ħajja mimlija negattività u jittratta lin-nies ħażin, jispiċċa mdawwar bl-istess enerġija.

Il-kliem tagħha ntlaqa’ b’diversi reazzjonijiet online, b’ħafna jaqblu mal-messaġġ tagħha dwar l-importanza tal-valuri umani fuq il-materjali.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Lifestyle

Illum Jiġi Mfakkar Il-Jum Internazzjonali Tal-ASMR – Fenomenu Li Jserraħ Il-Moħħ U S-Sensi

Emil Calleja Bayliss Illum

Illum, id-9 ta’ April, qed jiġi ċċelebrat il-jum internazzjonali tal-ASMR, ġurnata ddedikata għal fenomenu li sar popolari madwar id-dinja u li għal ħafna joffri sens ta’ rilassament profond. ASMR, jew Autonomous Sensory Meridian Response, jirreferi għal sensazzjoni ta’ tingiż ħafif li normalment jinħass fir-ras u jinżel tul is-sinsla, spiss ikkawżat minn ħsejjes kalmi bħal whispering, […]