Ixxerja

Il-Ministru għall-Intern, is-Sigurtà u x-Xogħol, Byron Camilleri bl-involviment tas-Segretarju Parlamentari għall-Ugwaljanza u Riformi Rebecca Buttigieg, ħabbru li ġie inawgurat it-tielet hub f’Malta biex jassisti vittmi ta’ vjolenza domestika, din id-darba ġewwa l-Imtarfa. Dan huwa pass ieħor importanti lejn sistema ta’ appoġġ aktar umana, professjonali u ffukata fuq il-vittma.

F’messaġġ li qasam fuq il-midja soċjali, il-Ministru spjega kif f’dawn l-aħħar snin sar tibdil profond fil-mod kif il-każijiet ta’ vjolenza domestika qed jiġu indirizzati mill-awtoritajiet. Huwa fakkar kif darba kien hemm sitwazzjoni fejn kollox kien jaqa’ fuq spallejn uffiċjal wieħed f’għassa tal-pulizija, filwaqt li llum il-ġurnata l-pajjiż għandu skwadra speċjalizzata u professjonisti mħarrġa li jaħdmu minn hubs mifruxa madwar Malta.

Din il-bidla, skont il-Ministru, tfisser li l-vittmi m’għadhomx waħedhom u li qed jingħataw għajnuna aktar sensittiva, sigura u koordinata. Permezz ta’ dawn il-hubs, il-vittmi jistgħu jsibu ambjent iktar adattat fejn jitkellmu, jinstemgħu u jingħataw l-appoġġ meħtieġ mingħand diversi professjonisti.

Minn naħa tagħha s-Segretarju Parlamentari Rebecca Buttigieg kitbet, “Dan il-hub fl-Imtarfa huwa xhieda ċara tal-impenn tal-Gvern li jressaq is-servizzi eqreb lejn il-komunitajiet, jipprovdi spazji siguri u dinjitużi għall-vittmi u jsaħħaħ rispons koordinat bejn il-pulizija, il-ħaddiema soċjali u l-aġenziji kollha involuti. Huwa b’dan il-mod li nistgħu nibdlu l-istatistika f’azzjoni u nagħmlu l-ħolma ta’ futur mingħajr vjolenza realtà tanġibbli.”.

L-inizjattiva hija frott ħidma kontinwa bejn il-Korp tal-Pulizija u servizzi oħra ta’ appoġġ, bl-għan li l-ġlieda kontra l-vjolenza domestika tkun aktar effettiva u ċċentrata fuq id-dinjità u s-sigurtà tal-persuni affettwati.

Bit-tielet hub fl-Imtarfa, Malta qed tkompli ssaħħaħ in-netwerk ta’ servizzi li joffru kenn, gwida u tama lil dawk li jgħaddu minn esperjenzi diffiċli, u tibgħat messaġġ ċar biex in-nies ikollha vuċi u tfittex l-għajnuna meħtieġa.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Artikli Ricenti

Minn Malta Sal-Indja – Jaydip Jibda Mixja Storika Ta’ 12,000 Kilometru Għall-Għarfien Dwar Il-Klima

Eileen Cumbo Salerno Illum

Minn qalb il-Mediterran sa qalb l-Asja, Jaydip jinsab fuq il-punt li jibda waħda mill-aktar inizjattivi ambizzjużi u simboliċi li qatt saru: mixja ta’ 12,000 kilometru minn Malta sal-Indja, bl-għan li jqajjem kuxjenza globali dwar il-kriżi tal-għarfien tal-klima. Din il-missjoni, li mistennija tieħu madwar sena u nofs u tgħaddi minn 20 pajjiż, tibda proprju minn Malta – pajjiż li, kif jgħid Jaydip stess, kien […]