Ixxerja

Malta dalwaqt tilqa’ l-ewwel ħanut ta’ Sports Direct, bil-ftuħ skedat għal nhar il-Ħamis 31 ta’ Lulju 2025 f’Ħal Qormi. Il-ħanut il-ġdid se jkun jinsab f’The Landmark fi Triq l-Iljun, fejn qabel kien hemm Intersport, qrib il-LIDL u Burger King. Il-wasla ta’ dan il-ħanut Brittaniku żgur se tkun waħda li tintlaqa’ b’mod pożittiv mill-Maltin.

F’Ottubru tal-2023, Hudson Malta plc – distributur prominenti lokali fil-qasam tal-moda u l-ilbies sportiv, ħabbar li kien qed jiddiskuti biex iġib lil Sports Direct u marki oħra tal-Frasers Group f’Malta.

Sports Direct huwa magħruf internazzjonalment għall-għażla wiesgħa ta’ ħwejjeġ sportivi, żraben u tagħmir sportiv ieħor, filwaqt li joffri marki ewlenin bħal Nike, Puma, Under Armour u Asics taħt saqaf wieħed.

Sports Direct Malta kkonferma d-data tal-ftuħ permezz tal-midja soċjali lokali tiegħu, u ġibed l-interess kemm ta’ dilettanti tal-isport kif ukoll dawk li jżuru dan il-ħanut barra minn xtutna.

Ritratt: Ionuț Petrache minn Google Maps

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Artikli Ricenti

Milo Qed Ifittex Id-Dar Dejjiema Tiegħu

Charlton Cefai Illum

Permezz ta’ kitba fuq il-paġna tagħha, l-attivista għad-drittijiet tal-annimali Maxine Borg laqqgħet lis-segwaċi tagħha ma’ Milo, kelb ħelu immens li qed ifittex id-dar dejjiema tiegħu.  Hi qalet, “Milo huwa kelb ta’ 6 snin li huwa msewwi, iċċippjat, ivvaċinat u toilet trained. Għandu karattru mill-aqwa u jkun eċitat immens meta jiġi biex jiltaqa’ ma’ nies ġodda. […]