Ixxerja

Skont il-paġna It-temp madwarna, ir-riħ ftit qawwi min-Nofsinhar (S) reġa’ qed iġib miegħu temp imdaħħan (hazy) fuq il-gżejjer Maltin, flimkien ma’ trab li qed jasal direttament mid-deżert. Sitwazzjoni li ħafna qed jinnutawha, speċjalment fis-sema kemxejn imċajpra u fl-arja aktar tqila mis-soltu.

Għada, il-Ħadd 25 ta’ Jannar, mistennija wkoll xi xita f’ħinijiet differenti tal-ġurnata, l-aktar waranofsinhar. Skont l-indikazzjonijiet, l-ewwel xita se tkun akkumpanjata minn depożiti tal-ħamri — fenomenu magħruf li ħafna drabi jħalli traċċi oranġjo fuq il-karozzi, it-twieqi u dak kollu li jkun espost barra.

Intant, l-aħħar ġimgħa ta’ Jannar 2026 qed tidher li se tkun pjuttost imqallba. Il-kundizzjonijiet tat-temp huma mistennija jibqgħu mirjieħa, b’riħ li jagħmel tiegħu u minn tal-anqas tliet irwiefen oħra mistennija jolqtu lill-gżejjer Maltin sal-1 ta’ Frar.

Aktar dettalji dwar dawn l-irwiefen u kif jistgħu jaffettwaw il-ġranet li ġejjin mistennija jingħataw għada.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

“Irridu Ngħidulhom Lit-Turisti Dak Li Kienu Jgħidulna Missirijietna, Li L-Baħar Żaqqu Ratba U Rasu Iebsa” – Pauline…

Charlton Cefai Ilbieraħ

Storja li tinsab fuq moħħ kulħadd hija dik ta’ Oliwia, turita mill-Polonja li mietet f’pajjiżna wara li sfortunatament inġarret mill-mewġ fil-maltemp. Permezz ta’ kitba fuq il-paġna tagħha, Pauline Spiteri Bugeja sellmet il-memorja tagħha. Hi qalet, “Ħafna ma jemmnux bid-destin, imma povra tifla ġiet apposta tara l-baħar, u kellu jkun il-baħar li ħadha. Li ċċassani li […]