Ixxerja

Skont sorsi riċenti il-Qorti ordnat li kelb tar-razza pitbull għandu jiġi distrutt wara li attakka u qatel kelb ieħor f’inċident li seħħ f’Lulju li għadda.

Massimo Rizzoglio, ta’ 56 sena resident is-Swieqi, instab ħati li naqas milli jżomm il-kelb tiegħu taħt kontroll. Fil-Qorti ntqal kif il-pitbull kien qed jimxi mingħajr ċinga f’post pubbliku, filwaqt li sidu kien miexi ftit metri warajh biċ-ċinga f’idejh.

Sid il-kelb li safa vittma rrakkontat il-mument trawmatiku meta l-pitbull attakka lill-kelb tagħha b’mod aggressiv ħafna quddiem għajnejha. Minkejja l-għajjat u l-intervent ta’ xi ġirien, il-kelb miet ftit wara għand veterinarju b’kawża ta’ ġrieħi serji li sofra.

Il-Maġistrat Donatella Frendo Dimech qalet li n-negliġenza tal-imputat wasslet għal sitwazzjoni serja li setgħet kellha konsegwenzi agħar kieku weġġgħu l-persuni.

Fis-sentenza tagħha, il-Qorti ordnat li dan il-kelb għandu jiġi distrutt u imponiet multa ta’ €6,000 fuq sidu.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Artikli Ricenti

“It-Temp Illum Pjuttost Imdaħħan. Matul Il-Lejl B’Ċans Ta’ Ftit Taqtir Tal-Ħamri” – It-Temp Madwarna

Bernard Xuereb Illum

U hekk kif ninsabu fil-jiem maħkuma minn sħaba tar-ramel, il-paġna tal-Facebook It-Temp Madwarna tat rapport dettaljat tat-temp. “It-temp illum jisbaħ pjuttost imdaħħan, li jsir il-biċċa l-kbira xemxi matul il-jum u jerġa’ jissaħħab matul il-lejl b’ċans ta ftit taqtir tal-ħamri,” huma kitbu. Din żgur hi aħbar li ħadd ma ħa pjaċir biha! Ftit wara tellgħu ritratt […]