Ixxerja

Tliet snin ilu, 18 ta’ Jannar 2023, tħabbret il-mewt tal-attur veteran lokali Victor Grech li kellu 96 sena. Victor kien miżżewweġ lill-attriċi veterana lokali Mary Grech.

Ħafna żgur li jiftakru lil Victor jaħdem il-karattru ta’ Sander fis-sensiela Ipokriti li kienet popolari ferm fis-snin disgħin fuq l-istazzjon nazzjonali.

Barra minn hekk konna rajnieh fis-sensiliet F’Baħar Wieħed, Kristu Fl-Iżbarra, Dejjem Tiegħek Becky u One Star Hotel fost l-oħrajn.

Hu kien deher fuq il-palk għall-ewwel darba fl-1945 u minn hemm qatt ma ħares lura. Barra sensiliet lokali, Victor anke deher f’xi films li nħadmu ġewwa pajjiżna.

F’isem it-tim ta’ Gwida.mt, insellmu l-memorja ta’ Victor Grech. Insellmulek għażiż.

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Issa

“Kienet Qed Toħlom Fuq Il-Kejk Li Għamlet Għalih” – Jasmine’s Journey

Gabriella Borg Illum

‘Jasmine’s Journey’ hi paġna li taqsam mas-segwaċi tagħha mumenti mill-ħajja ta’ Jasmine, li juru kemm hi tifla kuraġġuża u determinata. Illum, omm Jasmine kitbet dwar mument li missilha qalbha hekk kif rat tbissima fuq fomm Jasmine waqt li kienet rieqda, u staqsietha dwar xiex kienet qed toħlom. Hi kitbet, “Kienet rieqda u titbissem fl-istess ħin. […]