Ixxerja

Ritratt antik li qed idur fuq Facebook bħalissa qed iqajjem kurżità u diskussjoni ħelwa fost il-Maltin: f’liema rħula Maltin u Għawdxin għadek issib min iġorr ix-xirja tiegħu f’karru jew pushchair? Mistoqsija sempliċi… imma li fetħet tieqa fuq stil ta’ ħajja li ħafna minna għadhom jiftakru b’ċerta nostalġija.

Ir-ritratt innifsu juri mara fit-triq, b’karru mimli bix-xirja tagħha, xena li għal ħafna kienet parti normali mill-ħajja ta’ kuljum snin ilu. Qabel ma l-karozzi saru parti essenzjali minn kull dar u qabel is-supermarkets kbar ħadu post il-ħwienet żgħar tal-kantuniera, kien komuni li n-nies joħorġu mixjin għall-ħtiġijiet tagħhom u jerġgħu lura d-dar b’karru jew pushchair mimli basktijiet.

Għalkemm illum din ix-xena saret inqas frekwenti, f’ċerti rħula – speċjalment dawk aktar tradizzjonali jew fejn il-komunità għadha marbuta sew – għadek tista’ tiltaqa’ ma’ min għadu jżomm din id-drawwa ħajja. Lokalitajiet bħar-Rabat, Ħaż-Żebbuġ, is-Siġġiewi, Ħal Qormi u Ħal Għaxaq, kif ukoll xi rħula f’Għawdex bħan-Nadur u x-Xagħra, għadhom joffru dawn il-mumenti żgħar ta’ din il-ħajja awtentika.Fl-imgħoddi kien hemm sens ta’ komunità marbut ma’ din l-esperjenza – li toħroġ timxi, tiltaqa’ ma’ xi ġar, tieqaf tgħid kelma jew tixtri xi ħaġa oħra minn ħanut lokali. 

Interessanti wkoll kif, f’dawn l-aħħar snin, xi nies qed jerġgħu jħarsu lejn dan l-istil ta’ ħajja b’għajnejn ġodda. Bejn min qed jipprova jgħix b’mod aktar sostenibbli u min qed ifittex li jnaqqas ftit mill-għaġla tal-ħajja moderna. U forsi, mingħajr ma nintebħu, dawn huma proprju dawk l-affarijiet li nibqgħu nfittxu fil-ħajja ta’ kuljum. 

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

“Persuni Li Jiskontaw Sentenza L-Ħabs Jibqgħu Jiġu Ttimbrati U Ġġudikati Għal Għomorhom” – Dr Yanika Barbara

Cristian Tonna Illum

Waqt dibattitu li seħħ fuq Popolin, Dr Yanika Barbara tkellmet dwar l-isfidi li qed jaffaċjaw persuni li jkunu għadhom kif skontaw sentenza ta’ priġunerija u li jkunu qed jipprovaw jibdew ħajjithom mill-ġdid. Tispjega li ħafna drabi dawn il-persuni minnufih jibdew iħabbtu wiċċhom ma’ problemi finanzjarji li jwassluhom sabiex jerġgħu jwettqu l-istess żbalji tal-passat u konsegwentament […]