Saint James Hospital kiteb kapitlu ġdid fil-kura privata f’Malta hekk kif sar l-ewwel sptar privat li joffri kirurġija assistita b’robot, teknoloġija li qed tbiddel kompletament il-mod kif isiru l-operazzjonijiet madwar id-dinja.
Is-sistema robotika, li se tibda tintuża mit-2 ta’ Jannar wara investiment ta’ €3.2 miljun, tagħti lill-kirurgi preċiżjoni u kontroll li qatt ma kienu possibbli qabel, b’3DHD vision, strumenti li jimxu bħal polz uman, u sistema li tneħħi t-tregħid.
Il-benefiċċji ta’ din is-sistema huma kbar. Inqas uġigħ, inċiżjonijiet iżgħar, żjarat iqsar fl-isptar u fejqan aktar mgħaġġel. “Pass kbir ’il quddiem għall-kura privata f’Malta”.
Is-CEO tal-Grupp Saint James Hospital, Jean Claude Muscat, qal, “Dan hu pass kbir ’il quddiem għall-kura privata f’Malta. Il-pazjenti tagħna se jibbenefikaw minn proċeduri aktar sikuri, b’inqas uġigħ u ritorn aktar mgħaġġel għall-ħajja ta’ kuljum. Il-missjoni tagħna dejjem kienet li noffru l-aqwa kura u din it-teknoloġija ġdida twettaq propju dan.”
L-isptar se jkun qed iwettaq 3 sa 4 operazzjonijiet robotiċi fil-ġimgħa, inkluż f’oqsma bħall-kirurġija ġenerali, bariatrika, ġinekoloġija u uroloġija. Benefiċċji li jmorru lil hinn minn kirurġija tradizzjonali.
Studji juru li operazzjonijiet robotiċi jistgħu jwasslu għal:
- Żjarat fl-isptar iqsar b’jum jew żewġt ijiem
- Sa 44% inqas kumplikazzjonijiet
- Sa 75% inqas trasfużjonijiet tad-demm
- Inqas uġigħ u skumdità
- Riskju mnaqqas ta’ infezzjoni
- Inqas marki
- Fejqan aktar mgħaġġel
Dan ifisser li l-pazjenti issa għandhom aċċess għal proċeduri aktar delikati u preċiżi, li qabel kienu diffiċli jew impossibbli bil-metodi tradizzjonali. “It-teknoloġija ma tissostitwixxix il-kirurgu, iżda ssaħħaħ il-ħila tiegħu.”
Id-Direttur Mediku, Adrian Vella, żied, “Din it-teknoloġija tagħtina preċiżjoni li tmur lil hinn minn dak li setgħu jagħtuna tekniki tradizzjonali. Il-proċeduri kollha jibqgħu jsiru minn kirurġi lokali speċjalizzati u ċċertifikati fil-kirurġija robotika, ir-robot jsaħħaħ il-ħila tagħhom, mhux jieħu posthom.”
