Ixxerja

Ftit sigħat ilu, il-Papa Ljun XIV appella għat-tneħħija immedjata tal-piena tal-mewt mill-Amerka u madwar id-dinja hekk kif sostna li l-Knisja Kattolika dejjem għallmet li l-ħajja umana għandha tiġi mħarsa mill-konċepiment sal-mewt naturali.

Il-Mexxej tal-Knisja Kattolika tenna dan fl-isfond ta’ attentati li qed tagħmel bħalissa t-tmexxija tal-President Amerikan Donald Trump sabiex issaħħaħ l-użu tal-piena kapitali.

Il-Papa fisser kif l-ebda uman ma jistħoqqlu jitlef id-dinjità tiegħu, lanqas meta jwettaq fost l-agħar atti kriminali. Spjega li jeżistu mezzi alternattivi li filwaqt li jiżguraw li s-soċjetà tibqa’ sigura, fl-istess waqt jagħtu lill-ħati l-opportunità sabiex jifdi lilu nnifsu.

Il-Kap tal-Vatikan temm l-intervent tiegħu billi esprima sens ta’ solidarjetà ma’ dawk kollha, fl-Amerka u madwar id-dinja, li bħalissa qed jiġġieldu sabiex tiġi abolita l-piena kapitali.

Dan is-suġġett fl-Amerka huwa meqjus bħala wieħed kontroversjali ferm. Studju li kien sar f’Ottubru li għadda mis-sit Amerikan Gallup wera li 52% mill-poplu Amerikan huma favur il-piena tal-mewt filwaqt li 48% huma kontra.

Intom x’taħsbu?

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Issa

“L-FSWS Isellmu L-Memorja Ta‘ Chantelle Galea Gerada “ – FSWS B’Messaġġ Ta’ Niket

Gabriella Borg Illum

Il-fondazzjoni tas-Social Welfare Services kitbet messaġġ ta’ niket fuq il-midja soċjali fejn sellmet il-memorja ta’ Chantelle Galea Gerada, membru tal-FSWS. Kitbu, “L-FSWS isellmu l-memorja ta‘ Chantelle Galea Gerada, membru tal-istaff fid-direttorat g]all-kura alternattiva. Chantelle kienet isservi bhala Support Worker, f’waħda mid-djar tal-komunita`, fejn uriet dedikazzjoni u appoġġ lejn tfal u żgħażagħ.” Żiedu jgħidu, “Nestendu l-kondoljanzi […]