Ixxerja

Tfal mill-iskejjel primarji tar-Rabat, Ħad-Dingli u San Anton ingħaqdu fil-Ġnien Dinja Waħda tal-iskola San Anton għal attivitajiet marbuta man-natura bħala parti mill-proġett “Magical Trees”.

It-tliet skejjel qed jieħdu sehem fl-ewwel proġett nazzjonali eTwinning flimkien mal-programm BirdLife Malta Dinja Waħda, bil-għan li jħeġġu lit-tfal japprezzaw aktar is-siġar u l-ambjent naturali.

Tul is-sena skolastika, l-istudenti ħadu sehem f’attivitajiet relatati mas-siġar fil-ġonna tal-iskejjel tagħhom, fejn tgħallmu dwar il-pjanti, l-insetti u l-bijodiversità. L-għalliema spjegaw kif il-proġett jgħin biex it-tfal jitgħallmu barra mill-klassi permezz ta’ esperjenzi diretti fin-natura.

Matul l-attività finali, it-tfal ħolqu bnadar dekorattivi bi tpinġijiet tas-siġar, ħadu sehem f’logħob interattiv u spiċċaw il-ġurnata b’għanja u piknik fil-Ġnien Dinja Waħda.

Il-programm Ġonna Dinja Waħda huwa appoġġjat mill-Environment and Resources Authority (ERA) u mill-Bank of Valletta.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Lifestyle

Jum Dinji Tal-Atletika – Sport Li Jgħaqqad Il-Ġiri, Il-Qbiż U S-Saħħa

Emil Calleja Bayliss Illum

Fis-7 ta’ Mejju jiġi ċċelebrat il-World Athletics Day, jew kif inhu magħruf bil-Malti, il-Jum Dinji tal-Atletika. Dan il-jum huwa ddedikat biex iqajjem aktar għarfien dwar l-importanza tal-atletika u biex jinkoraġġixxi liż-żgħażagħ jipparteċipaw f’dan l-isport li ilu popolari għal ħafna snin madwar id-dinja. L-atletika hija sport li jiġbor fih diversi dixxiplini differenti, fosthom il-ġiri, il-qbiż, it-tfigħ […]