L-organizzazzjoni volontarja Innocent Paws Malta esprimiet il-gratitudni tagħha lejn Joyce Scerri u Alison għall-ġenerożità tagħhom wara li ppreżentaw donazzjoni sostanzjali ta’ €2,950.
F’post fuq il-midja soċjali, l-organizzazzjoni spjegat kif matul is-snin dawn iż-żewġ persuni ħadmu bla heda biex jiġbru fondi b’appoġġ għall-missjoni tagħha kif ukoll għas-santwarju tal-qtates Tomasina.
Flimkien mar-ringrazzjament, ġie ppubblikat ritratt tal-irċevuta uffiċjali tad-donazzjoni, li turi l-ammont mogħti u l-apprezzament tal-għaqda għall-kontribut tagħhom.
L-organizzazzjoni enfasizzat li t-tmexxija ta’ NGO attiva ġġib magħha spejjeż kbar ta’ kuljum, speċjalment meta tkun qed tieħu ħsieb annimali fil-bżonn.
“Jekk jogħġbok appoġġja kull ġbir ta’ fondi, kull fejn tista’, għax dan tassew jgħinna nkomplu mexjin ‘il quddiem u ngħinu lill-annimali fil-bżonn.”
Il-messaġġ intemm b’ringrazzjament sinċier lil dawk kollha li b’ġenerożità tagħhom qed jagħmlu differenza fil-ħajja ta’ ħafna annimali vulnerabbli madwar Malta.
