Ixxerja

Il-paġna ta’ Facebook tal-Protezzjoni Ċivili ta’ Malta tkellmet dwar operazzjoni ta’ salvataġġ li twettqet ilbieraħ hekk kif individwu kellu bżonn assistenza wara li waqa’.

“Ilbieraħ waranofsinhar, timijiet ta’ salvataġġ mill-Istazzjonijiet tat-Tifi tan-Nar 5 u 10 wieġbu għal emerġenza fil-Bajja ta’ San Pietru f’Delimara wara li individwu kellu bżonn assistenza medika wara waqgħa,” huma kitbu.

“Minħabba t-terren diffiċli u l-aċċess limitat għall-post, il-vittma ġiet immobilizzata bir-reqqa qabel ma ġiet ittrasportata permezz tas-CPD RHIB Delta 2 lejn post sigur għal aktar assistenza medika u trasport lejn l-Isptar Mater Dei.”

“Il-Protezzjoni Ċivili ta’ Malta tirringrazzja lill-Korp tal-Pulizija ta’ Malta u lid-Dipartiment tal-Emerġenza tal-Isptar Mater Dei għall-assistenza u l-kooperazzjoni tagħhom.”

Ixxerja

Miktub Minn

Bernard Xuereb

Apparti l-interess kbir għall-ikel u tisjir vegan, Bernard iħobb ħafna l-qari. Għalkemm il-lingwa Maltija tibqa’ fl-ewwel post, iħobb jitgħallem lingwi ġodda bħal Ġappuniż. Jaffaxxina ruħu bil-kulturi u l-istorja, u għandu mħabba kbira lejn l-ambjent u l-annimali.

Artikli Ricenti

Operazzjoni Ta’ Salvataġġ Oħra Mill-Protezzjoni Ċivili Ta’ Malta Lbieraħ – Din Id-Darba F’Ħad-Dingli

Bernard Xuereb Illum

Ilbieraħ kien jum mimli għall-Protezzjoni Ċivili ta’ Malta hekk kif twettqet operazzjoni oħra ta’ salvataġġ. Paraglider kellu bżonn assistenza medika wara inċident f’Ħad-Dingli. “Ilbieraħ wara nofsinhar, is-salvataġġi mill-Istazzjonijiet tat-Tifi tan-Nar 1, 3, 4, 8, u 11 tad-Dipartiment tal-Protezzjoni Ċivili wieġbu għal sejħa ta’ emerġenza li kienet tinvolvi paraglider li kellu bżonn assistenza medika f’Dingli,” kitbet […]