Ixxerja

Beda uffiċjalment il-bejgħ tal-biljetti għall-50 edizzjoni ta' L-Għanja tal-Poplu, edizzjoni speċjali li se tiċċelebra nofs seklu ta' mużika oriġinali bil-Malti.

Is-serata se tlaqqa' fuq il-palk 16-il kanzunetta oriġinali, li se jkunu akkumpanjati live mill-Malta Concert Orchestra, u se jipparteċipaw numru ta' kantanti u awturi stabbiliti kif ukoll talenti ġodda.

Fost il-parteċipanti ta' din is-sena hemm Kapitlu Tlettax u Reanue Falzon, Danica Muscat, Nicole Hammett, Walter Micallef, Mark Spiteri Lucas, Francesca Sciberras, David Joseph Sammut, Cherylis, Justine Bezzina, Ishmael Grech, Maria Mallia, Lon Kirkop u Mark Cachia, Silvan Mula, Kelsey Carabott, Mark Tonna u Leontine, kif ukoll Josephine Marie Grima.

Dawk interessati jistgħu jakkwistaw il-biljetti minn Ticketline, filwaqt li aktar informazzjoni dwar il-festival tinsab fuq is-sit uffiċjali ta' L-Għanja tal-Poplu.

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Spettaklu

ATB U Tribute Band Ta’ U2 Se Jtellgħu Ż-Żabbar Beer Festival 2026 Għal Livell Ieħor

Emil Calleja Bayliss Illum

Wara s-suċċess li kiseb fl-edizzjoni tas-sena l-oħra, iż-Żabbar Beer Festival se jirritorna nhar il-Ġimgħa 3 u s-Sibt 4 ta’ Lulju 2026, b’programm mimli mużika, divertiment u attivitajiet għall-familja kollha.Organizzat minn MMG Promotions, il-festival se jsir fil-foss ta’ Ħaż-Żabbar, biswit Bieb is-Sultan, f’ambjent miftuħ li matul is-snin sar sinonimu ma’ dan l-avveniment tant mistenni.Il-qofol tal-ewwel serata […]