Illum huwa jum speċjali għal Marianne Scerri, hekk kif qed tiċċelebra għeluq sninha. F'post fuq il-midja soċjali, il-preżentatur tar-radju Twanny Scerri, li nisimgħuh fuq Calypso, bagħat tislima mill-qalb lil martu, fejn awguralha l-isbaħ xewqat f'din l-okkażjoni speċjali.
Twanny ddeskriva lil martu Marianne bħala "x-xufier ta' Bongu Calypso," b'referenza umoristika għall-appoġġ u l-preżenza kostanti tagħha fil-ħajja u fil-ħidma tiegħu. Huwa żied li l-awguri qed jaslu wkoll mill-familja kollha, b'mod partikolari min-neputijiet Katrina u Jake, li wkoll bagħtu l-imħabba u l-isbaħ xewqat tagħhom..
Il-messaġġ ta' Twanny ntlaqa' b'ħafna kummenti ta' awguri mingħand ħbieb, segwaċi u persuni li xtaqu jingħaqdu mal-familja f'dan il-jum ta' ċelebrazzjoni. Bla dubju, f'jum bħal dan, hi okkażjoni sabiħa biex wieħed iqatta' ħin mal-għeżież tiegħu u joħloq memorji ġodda.
F'isem it-tim kollu ta' Gwida, ningħaqdu wkoll ma' dawn l-awguri u nawguraw lil Marianne sena mimlija saħħa, ferħ, paċi u ħafna mumenti sbieħ mal-familja u l-ħbieb tagħha. Nawgurawlha li tgawdi din il-ġurnata speċjali mdawra b'dawk li jħobbuha l-aktar.
Facebook / Marianne Scerri
