Ixxerja

Madwar 40,000 persuna attendew Isle of MTV Malta 2026, li stabbilixxa rekord ġdid ta’ attendenza għall-festival li din is-sena ċċelebra t-18-il edizzjoni tiegħu fuq il-Fosos, fil-Furjana.

Il-qofol tas-serata kien il-prestazzjoni tal-istilla internazzjonali Katy Perry, li għamlet id-debutt tagħha f’Malta b’kunċert mimli suċċessi mill-karriera tagħha, fosthom California Gurls, Roar u Firework, kif ukoll is-single l-ġdida Watch It Burn.

Magħha fuq il-palk telgħu wkoll id-DJ ta’ fama dinjija AFROJACK, li għalaq is-serata b’sett enerġetiku, u l-kantant Malti AIDAN, ir-rappreżentant ta’ Malta fil-Eurovision 2026, li ppreżenta għażla mill-akbar suċċessi tiegħu flimkien ma’ materjal ġdid mill-album Cowboys Don’t Cry.

Il-festival, organizzat minn MTV flimkien mal-Awtorità Maltija għat-Turiżmu, jibqa’ l-akbar festival tas-sajf b’xejn fl-Ewropa u jifforma parti minn Isle of MTV Malta Music Week, li jkompli b’diversi avvenimenti madwar Malta sat-26 ta’ Lulju.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Spettaklu

Antonella Galea Loffreda U Joseph Galea Se Jkunu Qed Imexxu L-50 Edizzjoni Tal-Festival L-Għanja Tal-Poplu

Gwida.mt Illum

L-organizzaturi ħabbru li ż-żewġ preżentaturi se jakkumpanjaw lill-udjenza matul lejla speċjali ddedikata għall-mużika Maltija, b’għadd ta’ kanzunetti oriġinali interpretati minn artisti lokali. Din is-sena, il-festival qed jilħaq tragward storiku hekk kif qed jiġi ċċelebrat il-50 anniversarju tiegħu, b’edizzjoni li mistennija tfakkar il-wirt kulturali u mużikali li L-Għanja tal-Poplu bniet tul is-snin. Festival li jiċċelebra l-ħsibijiet, […]