Ixxerja

Skont xi rapporti fuq il-midja soċjali, wieħed mill-aktar programmi satiriċi popolari fuq it-televiżjoni Taljana, Striscia La Notizia, jidher li wasal fi tmiemu wara kważi 38 sena xandir.

Il-programm, li xxandar għall-ewwel darba fis-7 ta' Novembru tal-1988 fuq Italia 1, kiseb popolarità kbira grazzi għat-taħlita tiegħu ta' investigazzjonijiet, satira politika u divertiment.

Fost l-aktar preżentaturi magħrufa tiegħu kien hemm Ezio Greggio, li għal snin twal ifforma koppja popolari ma' Enzo Iacchetti, filwaqt li matul is-snin għaddew ukoll ismijiet bħal Michelle Hunziker, Gerry Scotti u Ficarra & Picone. Jibqa' jissemma anke l-famuż Gabibbo.

Għalkemm s'issa ma tħabbritx uffiċjalment, rapporti fil-midja Taljana qed jindikaw li l-kontijiet uffiċjali tiegħu fuq il-midja soċjali għaddew għand Mediaset u waqfu jippubblikaw kontenut.

Barra minn hekk, Canale 5 neħħiet il-programm mill-iskeda tagħha wara ritorn qasir fix-xahar ta' Jannar li għadda.

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

TV

Ħbieb U Għedewwa – Segwit Mill-Pubbliku Bħal Qisu Qed Jixxandar Għall-Ewwel Darba

Kyle Zarb Ilbieraħ

Kif ħafna jafu fl-iskeda l-ġdida ta’ ONE li bdiet f’Ottubru 2025, bdiet terġa’ tintwera Ħbieb u Għedewwa, sensiela li kienet ixxandret propju 12-il sena ilu b’episodju kuljum mit-Tnejn sal-Ġimgħa.Fl-aħħar tas-sena Gwida.mt tkellmet ma’ Evelyn Saliba La Rosa u Michael Vella Haber minn Rikordja, dwar dan ir-ritorn fuq it-televiżjoni lokali. Aktar ma jgħaddi żmien aktar qed jinħass […]