Ixxerja

Kif ħafna jafu fl-iskeda l-ġdida ta' ONE li bdiet f'Ottubru 2025, bdiet terġa' tintwera Ħbieb u Għedewwa, sensiela li kienet ixxandret propju 12-il sena ilu b'episodju kuljum mit-Tnejn sal-Ġimgħa.

Fl-aħħar tas-sena Gwida.mt tkellmet ma' Evelyn Saliba La Rosa u Michael Vella Haber minn Rikordja, dwar dan ir-ritorn fuq it-televiżjoni lokali. Aktar ma jgħaddi żmien aktar qed jinħass l-interess kbir tat-telespettaturi, hekk kif qed isegwu l-istorja kuljum.

Fi kliem Evelyn Saliba La Rosa stess, qed isegwuha b'entużjażmu daqslikieku qed tixxandar għall-ewwel darba. Kull meta għal xi raġuni kien hemm xi programm ieħor fil-ħin li sippost ixxandar Ħbieb u Għedewwa, Evelyn tgħidilna li minnufih bdew jikkuntattjawhom biex jistaqsu hux se jixxandar.

Bħalissa r-repetizzjonijiet fuq ONE waslu fit-tieni staġun ta' Ħbieb u Għedewwa, li kien ixxandar primarjament 10 snin ilu. Minn qalbna ngħidu Prosit kbira lil Evelyn, Adrian, Michael u t-tim professjonali kollu ta' Rikordja.

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

TV

L-Akbar Premju Fl-Istorja Ta’ Family Feud Malta – Sa €25,000 Jistgħu Jintrebħu

Emil Calleja Bayliss Ilbieraħ

Family Feud Malta se jirritorna għat-tielet staġun tiegħu b’format ġdid li jwiegħed aktar kompetizzjoni, aktar emozzjoni u l-akbar premju fl-istorja tal-programm. Għall-ewwel darba minn meta beda jixxandar, il-familji parteċipanti se jkollhom iċ-ċans jirbħu sa €25,000, grazzi għal format ġdid li jippremja l-konsistenza, il-ħidma f’tim u d-determinazzjoni.B’differenza mill-istaġuni preċedenti, fejn kull episodju kien jintroduċi familja ġdida, […]