Ixxerja

Waqt il-podcast WhosWho Talks, il-produttur Malti Mark Grech żvela fost oħrajn li se tkun qiegħda sseħħ verżjoni Maltija tar-reality show tant popolari barra minn xtutna 'The Traitors'.

Dan ir-reality show jaf l-oriġini tiegħu proprju fl-Olanda u fih il-parteċipanti jiġu maqsuma f'żewġ gruppi differenti - dawk leali u dawk li huma tradituri. Matul l-andament tal-programm, il-parteċipanti kollha jridu jipprovaw jidentifikaw liema huma l-parteċipanti tal-grupp oppost tagħhom u mbagħad, x'ħin jingħataw l-opportunità, jeliminawhom fil-votazzjoni. Dan filwaqt li jipparteċipaw f'diversi missjonijiet differenti bil-għan li jkabbru l-premju finali.

Mark ħabbar li dan il-programm se jkun qed jitnieda f'Ottubru iżda ma żvelax id-data ta' meta se jkun qed jixxandar l-ewwel episodju ta' dan ir-reality show. Għadu mhux magħruf ukoll jekk il-parteċipanti humiex se jkunu persuni popolari jew inkella personalitajiet li diġà huma familjari mal-udjenza Maltija.

Ma' Tim Diacono u Jonathan Cilia, il-produttur Malti żvela wkoll li r-reality show Big Brother, li tant intlaqa' tajjeb mill-udjenza Maltija, se jkun qed jirritorna proprju s-sena d-dieħla. Wara li f'April li għadda l-ewwel edizzjoni ta' dan ir-reality show wasal fi tmiemu, is-segwaċi kollha tħallew jistaqsu meta se jkun hemm ir-ritorn ta' staġun ieħor.

Mark Grech semma wkoll li bħalissa hemm ħidma sabiex tittella' edizzjoni oħra tal-programmi MasterChef kif ukoll Tipping Point.

Ħerqana biex jirritornaw dawn il-programmi popolari fit-televixin Malti?

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

TV

Programm Ġdid Fuq NET Television – Lisa U Daniel Se Jippreżentaw Kitchen KO!

Emil Calleja Bayliss Ilbieraħ

Minn Ottubru li ġej, NET Television se jkun qed iniedi programm ġdid tat-tisjir bl-isem Kitchen KO, ippreżentat minn Lisa u Daniel. Il-programm se jkun kompetizzjoni maħsuba għal dawk li jħobbu jsajru, iżda li mhumiex koki professjonali. Il-parteċipanti se jkollhom l-opportunità juru l-ħiliet tagħhom fil-kċina permezz ta’ diversi sfidi. Matul il-kompetizzjoni se jiltaqgħu ma’ ingredjenti mhux […]