Ixxerja

L-MP Alex Agius Saliba esprima l-kburija tiegħu wara li kellu l-opportunità jsegwi plejer tal-futbol Maltija, Hailey Bugeja, tilgħab mal-Inter. F’messaġġ fuq il-midja soċjali, Agius Saliba qal li kienet “verament esperjenza sabiħa” li seta’ jara lil Bugeja fl-azzjoni mal-klabb Taljan.

Huwa saħaq fuq is-sodisfazzjon li jara Maltija tilħaq livelli għoljin u tikseb suċċess barra minn xtutna, b’mod partikolari fid-dinja kompetittiva tal-futbol internazzjonali.

“Verament esperjenza sabiħa illi stajt insegwi lil Maltija Hailey Bugeja tilgħab mal-Inter,” kiteb Agius Saliba, filwaqt li żied jgħid li huwa ta’ kburija li “Maltija bħalna qed tikseb tant u tant suċċess barra minn xtutna.”

Bugeja, li tkompli tirrappreżenta lil Malta fuq l-ogħla livell, ilha tagħmel isem għaliha fil-futbol Ewropej u għandha esperjenza kemm fl-Italja kif ukoll fl-Istati Uniti. Hija ngħaqdet mal-Inter fl-2023, wara esperjenza ma’ Sassuolo u Orlando Pride.

Fi tmiem il-messaġġ tiegħu, Agius Saliba wassal ukoll kliem qasir iżda sinifikanti lil Bugeja: “Brava Hailey!" Dan juri ġest ta’ apprezzament lejn waħda mill-aktar plejers Maltin magħrufa fix-xena internazzjonali tal-futbol.

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Gossip

“Bla Dubju, L-Olanda Tibqa’ Dejjem F’Qalbna” – Mariah Zammit B’Messaġġ Hekk Kif Ittemm Il-Vjaġġ Tagħha Fl-Olanda

Matthea Grech Illum

Wara sentejn u nofs tgħix fl-Olanda, Mariah Zammit qasmet messaġġ emozzjonanti hekk kif għalqet kapitlu importanti f’ħajjitha u rritornat lura Malta.F’post fuq il-midja soċjali, Mariah spjegat li, minkejja li l-post wasal bi ftit dewmien, ma setgħetx ma tagħlaqx il-kapitlu tal-Olanda billi ma turix dan il-post. Hija ddeskriviet it-tluq minn Den Bosch bħala “A bittersweet goodbye”, […]