Gowl Tal-Plejer Maltija Haley Bugeja Jikseb Tliet Punti Għall-Inter

Il-Malta Football Association – 1900 sellmet lil Haley Bugeja wara li l-attakkanta Maltija fetħet l-iskor għal Inter Milan fil-konfront kontra Häcken fil-UEFA Champions League.

Il-gowl ta’ Bugeja wasal kmieni fil-logħba fi Brianteo, Monza, u għen lil Inter tikseb rebħa ta’ 1-0 u tibda l-fażi tal-kampjonat tal-istaġun 2026/27 bi tliet punti.

Għal Bugeja, dan kien mument importanti fil-karriera tagħha hekk kif skont il-MFA kien l-ewwel gowl tagħha fil-fażi tal-kampjonat taċ-Champions League.

L-assoċjazzjoni Maltija qasmet ritratt tal-plejer flimkien mal-messaġġ “One to remember”, filwaqt li awguratilha għal din il-kisba fuq il-palk Ewropew.

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.