Ixxerja

Il-kantanta Anna Faniello ħeġġet lill-pubbliku sabiex ma jibżax imur jagħmel it-testijiet meħtieġa bħala prekawzjoni kontra mard serju bħall-kanċer, għaliex sostniet li dan fl-aħħar mill-aħħar jista' jsalva l-ħajja tal-persuna.

Hi tenniet dan l-appell waqt il-programm 'Ftit Xemx Kuljum', fejn irrakkontat episodju diffiċli li kellha tgħaddi minnu matul dawn l-aħħar xhur, wara li saret taf li kellha kanċer f'sidirha.

"Sabu li l-kanċer kien għadu fil-bidu tiegħu, u allura kull ma ħadd kienu r-raġġi; xejn iżjed," spjegat il-kantanta. Hi tgħid li billi l-kanċer kien għadu fi stadju bikri, kienet xortiha tajba, hekk kif metaforikament tisħaq li "Alla qabadni minn xagħri".

Fuq nota iżjed pożittiva, Anna tistqarr li dawn il-mumenti ibsin għenuha sabiex tapprezza iżjed ħajjitha, tant li issa se tkun qiegħda twettaq il-ħolma tagħhai tgawdi billi żżur pajjiżi u kulturi differenti.

'Ftit Xemx Kuljum' hu ippreżentat mill-bravissimu Pierre Cordina u jixxandar fuq TVM mit-Tnejn sal-Ġimgħa mill-10:00 sa 12:00.

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Issa

Żewġ Suldati Maltin Ilestu B’Suċċess Kors Prestiġjuż Dwar Il-Qasam Tad-Drill Ċerimonjali Fl-Ingilterra

Cristian Tonna Illum

Is-Surġent Gabriel Farrugia u l-Warrant Officer Class 1 Noel Gafa għadhom kif temmew b’suċċess kors fi skola militari ġewwa l-Ingilterra.Fuq il-midja soċjali, il-Forzi Armati ta’ Malta spjegaw kif dan il-kors ta opportunità eċċelenti lil dawn iż-żewġ suldati sabiex jiżviluppaw il-kompetenza tagħhom fil-qasam tad-drill ċerimonjali permezz ta’ taħriġ kemm teoretiku kif ukoll prattiku.Ġie spjegat kif dawn […]