Ixxerja

Meta t-talent Malti jaqsam il-fruntieri, il-kburija tkun waħda għal kulħadd. Din id-darba, il-moda Maltija sabet ruħha fiċ-ċentru tal-attenzjoni grazzi għal-libsa mill-fashion house Malti Azzopardi Studio, li ntgħażlet mill-kantanta Taljana Arisa.

Il-kantanta, magħrufa sew fix-xena mużikali Taljana, qasmet diversi ritratti fuq Instagram fejn dehret liebsa din il-kreazzjoni Maltija, u l-ilbies ma damx ma ġibed l-attenzjoni tas-segwaċi tagħha.

Il-libsa hija parti mill-kollezzjoni SALOMÉ, il-kollezzjoni Artisanal għall-Ħarifa/Xitwa 2026/27 ta’ Azzopardi Studio, li ġiet żvelata f’Pariġi waqt il-Couture Week f’Lulju li għadda.

View this post on Instagram

A post shared by AZZOPARDI (@azzopardi.studio)

Għal ħafna Maltin, mumenti bħal dawn ifissru aktar minn sempliċi moda. Huma tfakkira li l-kreattività u t-talent li joħorġu mill-gżejjer tagħna jistgħu jaslu għand udjenza ferm lil hinn minn xtutna.

Din id-darba, dan il-pajjiż żgħir li nsejħulu Malta qed jidher fuq palk tassew kbir, u dan hu wieħed minn dawk il-mumenti li għandhom jagħmluna tassew kburin!

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Gossip

L-Attriċi Vanessa Attard, Illum Tagħlaq Sninha – F’liema Teledramm Tiftakruha?

Matthea Grech Illum

Illum hija ġurnata speċjali għall-attriċi Slimiża Vanessa Attard, li qed tiċċelebra d-59 sena tagħha. Vanessa twieldet fl-24 ta’ Settembru 1967 u tul is-snin ħalliet il-marka tagħha fix-xena teatrali u televiżiva Maltija.L-imħabba tagħha lejn ir-reċtar bdiet minn kors mal-MTADA u minn hemm ’il quddiem kompliet tavvanza, sakemm din il-passjoni wasslitha biex tidher f’għadd ta’ produzzjonijiet teatrali […]