Ixxerja

Illum hija ġurnata speċjali għall-attriċi Slimiża Vanessa Attard, li qed tiċċelebra d-59 sena tagħha. Vanessa twieldet fl-24 ta’ Settembru 1967 u tul is-snin ħalliet il-marka tagħha fix-xena teatrali u televiżiva Maltija.

L-imħabba tagħha lejn ir-reċtar bdiet minn kors mal-MTADA u minn hemm ’il quddiem kompliet tavvanza, sakemm din il-passjoni wasslitha biex tidher f’għadd ta’ produzzjonijiet teatrali mal-Maleth u l-MADC, kif ukoll f’diversi pantomimi li żgur baqgħu memorji sbieħ għal dawk li rawha fuq il-palk.

Fost il-produzzjonijiet li ħadet sehem fihom insibu Kvetch, The Trophy Room u Antigone, fejn interpretat il-parti tan-ners. Aktar riċentement, dehret ukoll fil-pantomima Ebenezer Scrooge! tal-MADC matul l-istaġun tal-Milied 2024–25.

Vanessa mhix magħrufa biss mill-palk. It-talent tagħha wassalha wkoll biex tidher f’sensiliet Maltin bħal Dejjem Tiegħek Becky, K.C., Casa Ċelestina u Ta’ Ġerit. Minbarra t-teatru, għandha wkoll imħabba kbira lejn il-qtates, tant li anke trabbi minnhom, kif ukoll hi għallliema.

Minn hawn, it-Tim ta' Gwida.mt isellem u jawgura lil Vanessa ħafna saħħa, ferħ u aktar snin mimlija b’dak kollu li tagħmel b’tant passjoni.

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Gossip

“Inħobbok” – Glenn Sacco B’Messaġġ Mill-Qalb Lill-Imħabba Ta’ Ħajtu, Alessia

Kyle Zarb Illum

Il-mużiċist Glenn Sacco, li l-pubbliku Malti sar jafu wkoll permezz ta’ X Factor Malta, qasam messaġġ mill-qalb li xtaq jiddedika lill-imħabba ta’ ħajtu, Alessia.Glenn qal li qabel ma ltaqa’ magħha ma kienx qed ifittex relazzjoni u kien saħansitra jibża’ mill-imħabba, peress li kien imdorri jgħix waħdu u jkollu l-ispazju tiegħu.Madankollu, kollox inbidel meta ltaqgħu permezz […]