Ixxerja

Il-preżentatur u kunsillier lokali James Aaron Ellul qasam messaġġ mill-qalb biex jiċċelebra l-35 anniversarju taż-żwieġ tal-ġenituri tiegħu, filwaqt li rringrazzjahom għall-imħabba, id-dedikazzjoni u l-eżempju li taw lill-familja tagħhom matul is-snin.

Fuq il-midja soċjali, Ellul iddeskriva ż-żwieġ tal-ġenituri tiegħu bħala “35 sena ta’ mħabba kontinwa u bla qies”, hekk kif awguralhom f’din l-okkażjoni speċjali. “Awguri lil ommi u lil missieri fil-35 anniversarju taż-żwieġ tagħhom,” kiteb.

Huwa esprima wkoll il-gratitudni tiegħu lejn il-ġenituri tiegħu għall-valuri u l-eżempju li dejjem taw lilu u lil ħuh, kif ukoll lill-familji li bnew huma stess. “Grazzi tal-għemil sabiħ, b’eżempju dejjiemi,” kompla jgħid, filwaqt li rringrazzjahom ta’ dak kollu li għamlu u għadhom jagħmlu għall-familja.

James temm il-messaġġ tiegħu b’dikjarazzjoni sempliċi iżda sinċiera li turi l-imħabba kbira li għandu lejn il-ġenituri tiegħu: “Inħobbukom ħafna.” Il-messaġġ ġab miegħu bosta awguri u kummenti pożittivi mingħand segwaċi u ħbieb, li ngħaqdu miegħu biex jawguraw lill-koppja aktar snin ta’ saħħa, ferħ u mħabba flimkien.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Għaliex Tinħass Iż-Żiffa Tal-Baħar Matul Il-Jum? – It-Temp Madwarna Jispjega L-Fenomenu

Emil Calleja Bayliss Illum

F’dawn il-ġranet sħan tas-sajf, ħafna jkunu qed ifittxu ftit serħan mit-temperaturi għoljin tas-sajf, speċjalment qrib il-kosta. Iżda qatt staqsejt għaliex matul il-jum spiss tinħass żiffa friska ġejja minn fuq il-baħar? Il-paġna popolari It-Temp Madwarna spjegat kif dan huwa fenomenu naturali magħruf bħala sea breeze, li jinħoloq minħabba d-differenza fit-temperatura bejn l-art u l-baħar. Matul il-jum, […]