Jay Vella, ir-rebbieħ tal-ewwel staġun ta’ Big Brother Malta, qasam filmat li juri mumenti sbieħ u indimentikabbli li għadda minnhom ġewwa d-dar ta’ Big Brother, bejn Jannar u April 2025.
Jay jikteb messaġġ ta’ gratitudni u nostalġija dwar din l-esperjenza.
“Bħal-lum sena ilu, nfetħu l-bibien tad-dar ta’ Big Brother Malta għall-ewwel darba – u beda vjaġġ li kien se jibdilli ħajti għal dejjem. Meta dħalt f’dik id-dar, ma kelli l-ebda idea kemm kienet se tittestjani, tifformani, u timbuttani biex nikber taħt pressjoni u skrutinju kostanti.”
Jay ikompli jikteb, “Dak li beda bħala esperjenza, sar lezzjoni fir-reżiljenza, l-awtentiċità, u li tibqa’ tkun min verament int, irrispettivament minn min ikun qed isegwi. Li nkun parti mill-ewwel staġun – u aktar tard l-ewwel rebbieħ tiegħu – hija xi ħaġa li dejjem se nkun kburi biha.”
Hu jinsab tant grat lejn kull min tah appoġġ, emmen fih u kien parti minn dan il-vjaġġ memorabbli.
Prosit Jay! Tassew kont urejt il-persuna b’tant kwalitajiet sbieħ li int!
Facebook/ Jay Vella
