Ixxerja

B’niket kbir, il-Malta Amateur Dramatic Club (MADC) ħabbret il-mewt ta’ Colin Willis, attur li ħalla impatt qawwi fuq ix-xena teatrali f’Malta.

Colin Willis ingħaqad mal-MADC ftit wara li wasal Malta bħala Kummissarju Għoli tal-Awstralja f’Jannar tal-1997. Wara li temm il-ħidma diplomatika tiegħu, huwa baqa’ attiv ħafna fil-qasam teatrali, fejn ta kontribut sinifikanti bħala attur u direttur f’numru kbir ta’ produzzjonijiet tal-MADC.

Fost il-produzzjonijiet li ħa sehem fihom insibu The Tempest (2003), Glorious (2008), Scrooge – A Christmas Panto (2010), Twelfth Night (2011), The Hamlet Trilogy, Arsenic and Old Lace (2012), The Homecoming (2013), Much Ado About Nothing, Radio Revisited (2014), u A Midsummer Night’s Dream (2016).

Il-MADC sellmet lil Colin Willis bħala artist dedikat u persuna li ħalliet marka fuq il-komunità teatrali lokali. Jalla jistrieħ fis-sliem.

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Issa

Sessjonijiet B’Xejn Tal-Atletika Għat-Tfal Tal-Kottonera Matul Is-Sajf

Kyle Zarb Illum

It-tfal li jgħixu fil-Kottonera se jerġa’ jkollhom l-opportunità li matul is-sajf li ġej jattendu sessjonijiet ta’ taħriġ b’xejn fl-atletika fil-Kulleġġ De La Salle. Dawn is-sessjonijiet se jiffukaw fuq il-ġiri, il-qbiż u dixxiplini oħra, bil-għan li dawn it-tfal jitħarrġu u jtejbu l-ħiliet fl-atletika. Dan tħabbar mis-Segretarju Parlamentari għall-Gvern Lokali, Alison Zerafa Civelli waqt l-iffirmar ta’ ftehim […]