Ixxerja

L-Għaqda Mużikali Sant’ Elena A.D. 1919 ħarġet stqarrija uffiċjali fejn il-Kumitat tagħha informa lill-Banda Duke of Connaught’s Own li qed jagħti l-kunsens biex bandisti lokali tal-Banda Sant’ Elena jipparteċipaw fil-korteo funebri tal-mibki Surmast Aurelio Belli.

Il-korteo funebri se jsir nhar is-Sibt li ġej, u din id-deċiżjoni turi s-sens ta’ għaqda u rispett bejn il-baned, speċjalment f’mument ta’ niket għall-komunità mużikali.

“Il-Kumitat tal-Għaqda Mużikali Sant’Elena f’kommunikat uffiċjali, informa lill-Kumitat tal-Banda Duke of Connaught’s Own, li qiegħed jagħti l-kunsens tiegħu lil-bandisti tal-post tal-Banda Sant’ Elena sabiex jipparteċipaw fil-korteo funebri ta’ Mro. Aurelio Belli nhar is-Sibt li ġej.”

Fl-istqarrija tagħha, l-Għaqda Sant’ Elena esprimiet ukoll solidarjetà mal-familjari tal-mibki, u reġgħet ingħaqdet fit-talb magħhom, filwaqt li sellmet il-memorja ta’ Mro. Aurelio Belli.

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Issa

Sessjonijiet B’Xejn Tal-Atletika Għat-Tfal Tal-Kottonera Matul Is-Sajf

Kyle Zarb Illum

It-tfal li jgħixu fil-Kottonera se jerġa’ jkollhom l-opportunità li matul is-sajf li ġej jattendu sessjonijiet ta’ taħriġ b’xejn fl-atletika fil-Kulleġġ De La Salle. Dawn is-sessjonijiet se jiffukaw fuq il-ġiri, il-qbiż u dixxiplini oħra, bil-għan li dawn it-tfal jitħarrġu u jtejbu l-ħiliet fl-atletika. Dan tħabbar mis-Segretarju Parlamentari għall-Gvern Lokali, Alison Zerafa Civelli waqt l-iffirmar ta’ ftehim […]