Mument emozzjonanti u ta’ ispirazzjoni nqabad f’filmat li qasmet Michelle Rausi, fejn bintha Francesca Rausi tidher mixja fuq il-catwalk b’kunfidenza kbira. Francesca, irnexxielha tisraq il-qlub ta’ ħafna, hekk kif il-preżenza tagħha fuq il-palk kienet xhieda ċara ta’ kuraġġ, determinazzjoni u awtentiċità.
Ommha kitbet, “Timlini b’kburija, Fran. Brava, pupa. Il-kunfidenza tiegħek se twasslek ’il bogħod u aħna dejjem se nkunu hemm biex nappoġġjawk. Kemm nixtieq li xi ħadd qalli dan meta twelidt int, għax kont imbeżża’ ħafna… li kieku kont naf dak li naf illum. Inħobbuk immens. Grazzi lil Ivan Gaffiero għal din l-opportunità sabiħa, u lil Sue Rossi talli dejjem tappoġġja u tiggwida lil Fran. Grazzi mill-qalb kollha tagħna.”
Dan il-mument mhux biss jenfasizza t-talenti ta’ Francesca, iżda jibgħat ukoll messaġġ qawwi dwar l-inklużjoni u l-importanza li nagħtu spazju lil kulħadd biex jesprimi lilu nnifsu b’mod liberu. Storja li tfakkar kif l-imħabba, il-kunfidenza u l-appoġġ jistgħu verament iwasslu lil persuna ’l bogħod, fuq u lil hinn minn kull aspettattiva.
Facebook / Michelle Rausi
