Ixxerja

L-istilla tal-futbol Cristiano Ronaldo u s-sieħba tiegħu Georgina Rodríguez iżżewġu wara kważi għaxar snin ta’ relazzjoni. Il-koppja żżewġet f’ċerimonja ċivili privata f’Cascais, fil-Portugall, nhar it-Tlieta 11 ta’ Awwissu. L-aħbar ġiet ikkonfermata wkoll mit-tim maniġerjali ta’ Ronaldo.

Ronaldo u Georgina ilhom flimkien mill-2016, wara li ltaqgħu f’Madrid, fejn dak iż-żmien Georgina kienet taħdem f’ħanut ta' Gucci. Matul is-snin, ir-relazzjoni tagħhom ġibdet interess kbir madwar id-dinja, filwaqt li flimkien bnew familja. Il-koppja kienet ħabbret l-għerusija tagħha f’Awwissu tal-2025, meta Georgina kienet uriet iċ-ċurkett tal-għerusija tagħha fuq il-midja soċjali. Sena wara, huma issa għamlu l-pass li jmiss fir-relazzjoni tagħhom u saru uffiċjalment miżżewġin.

Ronaldo, li għandu 41 sena, jibqa’ wieħed mill-aktar plejers magħrufa fl-istorja tal-futbol u bħalissa jilgħab ma’ Al-Nassr fl-Arabja Sawdija. Min-naħa tagħha, Georgina bniet karriera bħala mudella, influencer u personalità televiżiva. Awguri lil Cristiano u Georgina għal dan il-kapitlu ġdid f’ħajjithom!

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Joe Tanti Tal-Greenfields Jibqa’ Jferraħ Bil-Mużika – Ara L-Mument Ħelu Li Qasam Ibnu Clive

Emil Calleja Bayliss Illum

Mument mill-isbaħ qasam Clive Tanti ma’ missieru, il-kantant u mużiċist Joe Tanti tal-Greenfields. “Ġejt nara lill-missieri u ddeċieda li jagħmel marċ tal-Ħamrun. Il-Bambin ibierku,” kiteb Clive filwaqt li qasam dan il-mument ħelu ma’ dawk li jsegwuh.Joe Tanti huwa isem sinonimu mal-mużika Maltija u, permezz tal-Greenfields, ta kontribut importanti lill-mużika folk moderna f’pajjiżna. Il-grupp twaqqaf fl-1970 […]