Ixxerja

Mument mill-isbaħ qasam Clive Tanti ma’ missieru, il-kantant u mużiċist Joe Tanti tal-Greenfields. "Ġejt nara lill-missieri u ddeċieda li jagħmel marċ tal-Ħamrun. Il-Bambin ibierku," kiteb Clive filwaqt li qasam dan il-mument ħelu ma’ dawk li jsegwuh.

Joe Tanti huwa isem sinonimu mal-mużika Maltija u, permezz tal-Greenfields, ta kontribut importanti lill-mużika folk moderna f’pajjiżna. Il-grupp twaqqaf fl-1970 minn Joe, martu Carmen u Charles Bajada.

Joe u Carmen baqgħu magħrufa u maħbuba għal bosta kanzunetti li għaddew minn ġenerazzjoni għal oħra, fosthom Il-Karozzin, Il-Vapur tal-Art u Il-Banda ta’ Indri. Uħud minn dawn il-kanzunetti għadhom jiġu ċċelebrati sal-lum, tant li din is-sena Mużika Mużika inkludiet medley tal-Greenfields fis-Serata tal-Klassiċi.

Carmen Tanti ħalliet din id-dinja fl-1 ta’ Diċembru tal-2022, fl-età ta’ 75 sena. Hi u Joe mhux biss qasmu ħajjithom flimkien, iżda wkoll vjaġġ mużikali li ħalla marka fuq il-kultura popolari Maltija.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Nhar Il-Ġimgħa Tingħata L-Aħħar Tislima Lil Redeemer Grima Fir-Rabat!

Emil Calleja Bayliss Illum

Il-familja ta’ Redeemer Grima se tkun qed tagħtih l-aħħar tislima nhar il-Ġimgħa, 14 ta’ Awwissu, fil-Bażilika ta’ San Pawl fir-Rabat. Il-funeral se jibda fit-8:30 ta’ filgħodu.Kienet in-neputija tiegħu, Janice Farrugia, li qasmet id-dettalji tal-funeral filwaqt li sellmet il-memorja ta’ zijuha b’messaġġ mimli mħabba. “Nhar il-Ġimgħa, 14 ta’ Awwissu, se ntuk l-aħħar tislima, Ziju Redeemer. Il-funeral […]