Ixxerja

Waqt li kien qed iħabbat il-bibien f’Birkirkara, l-MEP Alex Agius Saliba, iltaqa’ ma’ Colin: il-President tal-Malta Cage Birds Association u dilettant magħruf sew fil-qasam tat-tnissil u t-trobbija tal-għasafar. Matul is-snin, Colin irnexxielu jakkwista diversi premijiet internazzjonali u b’hekk kompla jqiegħed lil Malta fuq il-mappa f’dan il-qasam speċjalizzat.

Il-passjoni tiegħu lejn l-għasafar bdiet snin ilu, iżda b’dedikazzjoni, paċenzja u impenn kontinwu, huwa rnexxielu jilħaq livelli għoljin ferm. F’kompetizzjonijiet barra minn xtutna, Colin mhux biss ipparteċipa iżda ta’ spiss irritorna Malta b’unuri u trofej li jixhdu l-ħila u l-professjonalità tiegħu.

Is-suċċess tiegħu jirrifletti primarjament fuq komunità ta’ dilettanti tal-għasafar f’Malta: nies dedikati li b’imħabba kbira lejn dan il-passatemp qed jagħmlu ġieħ lil pajjiżna. It-trobbija u t-tnissil tal-għasafar jitlob għarfien, kura u attenzjoni kbira u Colin jibqa’ eżempju ċar ta’ kemm id-dedikazzjoni tista’ twassal għal riżultati straordinarji.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

David Agius Jifraħ Lill-Isqof John S. Bonnici Li Ġie Maħtur Isqof Djoċesan Fi New York

Kyle Zarb Illum

David Agius wassal messaġġ ta’ awgurju sinċier wara l-ħatra ta’ isqof ġdid b’għeruq Maltin. F’kitba li qasam pubblikament, David esprima l-awgurju tiegħu għal John S. Bonnici wara l-ħatra bħala Isqof tad-Djoċesi ta’ Rochester. Huwa sellem din il-ħatra bħala mument ta’ kburija, speċjalment minħabba l-għeruq Maltin tal-isqof il-ġdid. L-Isqof Bonnici, li twieled fi New York City, […]