Ixxerja

Inizjattiva sabiħa ta’ solidarjetà u mużika wasslet għal donazzjoni oħra importanti b’risq DAR Bjorn, id-dar li tipprovdi kura u sostenn lil persuni li qed jaffaċċjaw sfida f’ħajjithom.

Din id-darba, il-ġest sar minn Joy Gospel Singers, ta’ Vince u Antoinette, li permezz tal-preżentazzjonijiet tagħhom irnexxielhom jiġbru s-somma ta’ €1040.10. Id-donazzjoni ġiet ippreżentata personalment lil DAR Bjorn, f’mument li jfakkar kemm il-qawwa tal-mużika tista’ tmur lil hinn mid-divertiment u ssir mezz konkret ta’ għajnuna u tama.

DAR Bjorn, li saret simbolu ta’ kura, dinjità u appoġġ għall-pazjenti u l-familji tagħhom, tibqa’ tiddependi fuq ġesti bħal dawn biex tkompli toffri s-servizzi tagħha.

F’isem DAR Bjorn, Bjorn kiteb, “Grazzi mill-qalb lil Vince u Antoinette f’isem Joy Gospel Singers li ppreżentawlna s-somma inkredibbli ta’ €1040.10! Il-mużika tagħkom ġġib ferħ lil ħafna nies. Din id-donazzjoni hija nota ta’ tama għar-residenti kollha ta’ DAR Bjorn.”

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Issa

“Din Hija D-Disa’ Ġimgħa Li Fiha Qed Niekol Ikel Sustanzjuż U Qed Nittrenja B’Mod Konsistenti” – Raisa Ta’ My Trio

Gwida.mt Ilbieraħ

Raisa Brincat Newell li hi magħrufa fuq il-midja soċjali għall-paġna tagħha My Trio tkellmet dwar sfida li qed tagħmel bħalissa sabiex tiekol ikel sustanzjuż u tittrenja b’mod konsistenti. Tispjega li bħalissa tinsab fid-disa’ ġimgħa ta’ din l-isfida. Hi ssostni li daħlet għaliha din l-isfida mhux sabiex titlef il-piż iżda bil-għan li tikseb iżjed rispett lejha […]