Familja minn San Diego qed tibki l-mewt ta’ Blanca Estela u Juan Manuel Rodriguez, koppja li ilhom flimkien mill-iskola sekondarja u mietu t-tnejn li huma bil-Covid-19 ftit sigħat ‘il bogħod minn xulxin.
Skont is-sit CNN, il-koppja ta’ 67 sena ttestjaw pożittivi għall-virus fit-18 ta’ Jannar, flimkien ma’ membri oħra tad-dar tagħhom. Uliedhom qalu li ma jafux kif il-familja ħadet dan il-virus, peress li konsistentement ħadu prekawzjonijiet ta’ sigurtà matul is-sena li għaddiet.
Blanca u Juan allegatament kellhom kundizzjonijiet tas-saħħa oħra li għamluhom vulnerabbli b’mod speċjali għall-virus. Binthom qalet lis-CNN li kien ilhom fi kwarantina minn Frar tas-sena li għaddiet.
Is-saħħa ta’ Juan u Blanca komplew jiddeterjoraw fil-ġimgħa wara d-dijanjosi tagħhom. Il-kundizzjonijiet tagħhom saru tant gravi li kellhom jiġu rikoverati fl-isptar f’faċilitajiet. Inqas minn ġimagħtejn wara, il-koppja kellhom kuntatt mal-familja tagħhom permezz tat-teknoloġija.
Sfortunatament il-koppja tilfu l-battalja tagħhom fl-istess ġurnata – tliet sigħat ‘il bogħod minn xulxin.
