Fl-okkażjoni ta’ għeluq snin żewġu Kurt, Gaetano qasam messaġġ mill-qalb mimli sinċerità u mħabba. Permezz ta’ kliem sempliċi iżda profond, huwa esprima l-gratitudni tiegħu lejn ir-raġel li jsejjaħ l-imħabba ta’ ħajtu.
Fil-messaġġ tiegħu, Gaetano rringrazzja lil Kurt mhux biss għall-imħabba li jagħtih kuljum, iżda wkoll għall-paċenzja, il-kura u s-sapport tiegħu f’kull mument tal-ħajja.
Huwa ddeskriva lil Kurt bħala persuna li dejjem tkun hemm għalih, kemm fi żminijiet sbieħ kif ukoll meta l-ħajja tkun aktar diffiċli, u saħansitra sejjaħlu “l-bastun li jżommu u jerġa’ jagħtih it-tama”.
Waħda mill-aktar partijiet emozzjonali kienet meta Gaetano rringrazzja lil Kurt tal-imħabba u d-dedikazzjoni li juri lejn ommu. Huwa sostna li dak kollu li jagħmel għall-familja tiegħu huwa ġest li qatt ma jista’ jinsieh u li japprezzah aktar milli l-kliem jista’ jesprimi.
Gaetano stqarr ukoll li jixtieq jagħti lil Kurt id-dinja kollha, mhux biss f’għeluq sninu iżda kuljum, għax jemmen li jistħoqqlu kull ġid li tista’ toffri l-ħajja. Huwa temm il-messaġġ tiegħu b’xewqa sabiħa li jibqgħu jimxu flimkien, id f’id, u jiċċelebraw ħafna aktar għeluq is-snin flimkien.
Id-dedikazzjoni ntemmet b’kliem sempliċi iżda qawwi: “Happy Birthday, qalbi. Grazzi talli int int… u grazzi ta’ dak kollu li tagħmel għalija u għall-familja tiegħi. Inħobbok ħafna.”
Awguri mill-qalb Kurt!
Facebook/ Gaetano
