Ixxerja

Il-kantanta Maltija Gaia Gambuzza ġiet magħżula biex tirrappreżenta lil OGAE Malta fil-FanVision 2026, avveniment internazzjonali li jiġbor flimkien il-komunità tal-Eurovision minn diversi pajjiżi.

It-tħabbira saret minn OGAE Malta, li kkonfermat li Gaia se tkun qed tieħu sehem fil-kompetizzjoni li se ssir f’Munich, il-Ġermanja, matul il-Eurovision Weekend 2026 organizzat minn OGAE Germany. Għall-okkażjoni, Gaia se tkun qed tinterpreta l-kanzunetta Voices, il-kanzunetta li kienet irrappreżentat lill-Iżvezja fil-Eurovision Song Contest tal-2021.

Gaia mhijiex isem ġdid għas-segwaċi tal-mużika lokali. Hija kienet irrappreżentat lil Malta fil-Junior Eurovision Song Contest tal-2022, fejn kisbet apprezzament għall-vuċi u l-preżenza tagħha fuq il-palk.

Il-FanVision hija kompetizzjoni popolari fost il-klabbs nazzjonali tal-OGAE, fejn rappreżentanti minn diversi pajjiżi jippreżentaw interpretazzjonijiet tagħhom ta’ kanzunetti marbuta mal-Eurovision. L-avveniment iservi bħala ċelebrazzjoni tal-mużika u tal-komunità internazzjonali tal-Eurovision.

Malta kellha x-xorti li tirbaħ din il-kompetizzjoni tliet darbiet, permezz ta’ Sebastian Calleja, Grecia Bezzina u Martina Fenech. Bit-talent tagħha u l-esperjenza li diġà kisbet fuq palkijiet internazzjonali, Gaia Gambuzza issa se tkun qed iġġorr il-bandiera Maltija f’Munich bit-tama li tagħmel isem ieħor għal Malta fix-xena tal-Eurovision.

Nawgurawlha kull suċċess f’din l-esperjenza ġdida!

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Il-Fondazzjoni Familji Fil-Bżonn Issellem Il-Memorja Ta’ Ronnie “Rokku” Camilleri

Emil Calleja Bayliss Illum

Il-Fondazzjoni Familji fil-Bżonn esprimiet is-sogħba tagħha għat-telfa ta’ Ronnie “Rokku” Camilleri, filwaqt li bagħtet il-kondoljanzi sinċieri tagħha lill-familja tiegħu. Permezz ta’ messaġġ fuq il-midja soċjali, il-kumitat tal-fondazzjoni flimkien mal-voluntiera kollha sellem il-memorja ta’ Ronnie u wera solidarjetà ma’ Maria Edwards u l-familja kollha f’dan il-mument diffiċli. “Il-kumitat flimkien mal-voluntiera kollha b’sogħba jibgħat kondoljanzi sinċieri lil […]