Sharon Spiteri Lucas, mart il-kantawtur lokali Mark Spiteri Lucas, awgurat lil żewġha f’għeluq sninu permezz ta’ messaġġ mimli mħabba u apprezzament. Fuq il-midja soċjali, Sharon kitbet kliem sinċier li juri kemm hija grata għall-imħabba, l-għożża u s-sapport li Mark jagħti lill-familja tagħhom kuljum.
“Illum nerġgħu niċċelebraw lilek għax huwa għeluq sninek. ‘Grazzi’ mhux biżżejjed għall-imħabba, l-għożża u s-sapport kollu li tagħtina kuljum,” kitbet Sharon. Hija kompliet tesprimi l-gratitudni tagħha għal dak kollu li jagħmel Mark u għall-ferħ li jġib fil-ħajja tagħhom, filwaqt li awguratlu ġurnata speċjali mimlija kuntentizza, imħabba u barkiet.
“Aħna grati ħafna għal dak kollu li tagħmel u għall-ferħ li ġġib f’ħajjitna. Nawguralek jum mimli ferħ, imħabba u l-barkiet kollha li jistħoqqlok. Awguri f’għeluq sninek!” Il-messaġġ ġibed l-attenzjoni ta’ bosta segwaċi li ngħaqdu magħha biex jawguraw lil Mark f’din l-okkażjoni speċjali.
Aħna wkoll ningħaqdu mal-awgurji u nawguraw lil Mark għeluq snin mill-isbaħ. Nittamaw li jkollu sena mimlija saħħa, hena u paċi.
Facebook / Sharon Spiteri Lucas
