Ixxerja

Janvil huwa bla dubju artist sinonimu mal-Malta Eurovision wara seba’ sottomissjonijiet li waslulu sas-serata finali. L-ewwel parteċipazzjoni tiegħu bla dubju tibqa’ fost l-iktar imsemmija, bil-kanzunetta You, li waslitu fit-tielet post.

Apparti minn hekk, Janvil kien parti mill-Malta Song for Europe bħala preżentatur, meta lura fl-2007 hu kien preżenta s-serati flimkien ma’ Stephanie Spiteri.

“Finalist fil-MESC seba’ darbiet u preżentatur fl-2007. Kull sena, lejlet is-semifinali tal-Malta Eurovision Song Contest, ħafna memorji u emozzjonijiet jitfaċċaw.”

Janvil ikompli, “Jien tant grat għall-vjaġġ tiegħi, li kien iċ-ċavetta għall-karriera tiegħi fil-kant, grazzi lil Augusto Cardinali u Giovann Attard talli fdaw fija fil-bidu nett. Jiena grata għan-nies u l-ħbieb li ħdimt magħhom, u dawk li ltqajt magħhom.”

Huwa jawgura lill-kantanti u lit-timijiet kollha tagħhom għall-esperjenza tal-Malta Eurovision 2026 li ser jibda llejla. Awguri għal aktar suċċessi Janvil!

View this post on Instagram

A post shared by Ian J Vella (@janvilofficial)

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Spettaklu

CARNEVALE – Il-Gran Ballu Tal-Gran Mastru Se Jieħu L-Ħajja Fis-7 Ta’ Frar!

Emil Calleja Bayliss Illum

Is-7 ta’ Frar 2026 se jkun lejl mimli spettaklu, eleganza u misteru, hekk kif jinfetħu l-bibien ta’ Dar il-Mediterran għall-Konferenzi fil-Belt Valletta, magħrufa qabel bħala s-Sacra Infermeria, għal waħda mill-aktar esperjenzi li jdaħħluk f’atmosfera unika – CARNEVALE: Il-Gran Ballu tal-Gran Mastru. Immaġina lilek innifsek mal-kavallieri u n-nisa nobbli, fid-dawl dehbi u l-mużika li jiħduk lura […]