Ixxerja

Id-Djoċesi ta’ Għawdex ħabbret il-ħatra tas-Sinjura Miriam Portelli bħala Kap il-ġdida tal-Kummissjoni tas-Safeguarding, wara s-Sa Loraine Borg Cassar, li qdiet dan l-irwol sa mit-twaqqif tal-Kummissjoni.

Borg Cassar kienet talbet li tieqaf mill-kariga fil-bidu tal-2025 għal raġunijiet familjari u impenji oħra, iżda baqgħet twettaq l-irwol tagħha sakemm inħatret persuna oħra. Id-Djoċesi rringrazzjatha għad-dedikazzjoni u l-professjonalità tagħha, filwaqt li awgurat lil Portelli għall-ħidma l-ġdida tagħha.

Ħatra oħra hija dik ta’ Dr Theresien Mizzi, li se tingħaqad mas-Sa Francine Farrugia Magrin fl-Investigation and Assessment Team, responsabbli mill-investigazzjoni tar-rapporti li jsiru.

Il-Kummissjoni tinkludi wkoll Advisory Board magħmul minn diversi professjonisti, kif ukoll psikologi u counsellors immexxija minn Dr Marlene Cauchi, li joffru appoġġ lill-allegati vittmi u lill-familji tagħhom.

Għal kuntatt mal-Kummissjoni wieħed jista’ jċempel fuq +356 7983 8953 jew jibgħat email fuq [email protected].

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Lifestyle

Aħbar Mill-Isbaħ Għall-Pandas! – Il-Popolazzjoni Żdiedet B’17% U M’Għadhomx Fil-Periklu Tal-Estinzjoni

Emil Calleja Bayliss Illum

Aħbar pożittiva mid-dinja tal-annimali hekk kif il-pandas m’għadhom ikklassifikati bħala speċi fil-periklu ta’ estinzjoni, wara snin twal ta’ ħidma favur il-konservazzjoni tiegħu.Il-popolazzjoni tal-pandas żdiedet b’madwar 17% fuq medda ta’ għaxar snin, riżultat li ma seħħx b’kumbinazzjoni. Warajh hemm snin ta’ protezzjoni tal-abitat naturali tagħhom, programmi ta’ tnissil u kollaborazzjoni internazzjonali maħsuba biex tagħti futur aħjar […]