Ixxerja

F’ċerti mumenti tal-ħajja, ikollok bżonn tgħaddi minn żminijiet diffiċli biex tinduna min tassew kien hemm għalik. Meta kollox ikun sejjer tajjeb, ħafna drabi jkun faċli li tkun imdawwar bin-nies. Imma meta tgħaddi minn mument iebes, hemmhekk tibda tara min verament jimpurtah minnek.

Dan kien il-ħsieb li qasam l-influencer Malti Johan Mifsud f’messaġġ mill-qalb, fejn tkellem dwar l-importanza li wieħed jitgħallem ikun hemm għalih innifsu.

Johan fakkar li mhux dejjem dawk li tirrispettahom, tħobbhom u tagħtihom qalbek kollha se jiftakru kemm tkun tajt minnek għalihom. U forsi din tkun waħda mill-aktar lezzjonijiet diffiċli li l-ħajja tgħallimna. “Anke jekk tagħti qalbek kollha lil xi ħadd, ma jfissirx li se jiftakru kemm tajt minnek għalihom,” kiteb.

Il-messaġġ tiegħu huwa wieħed sempliċi iżda qawwi: titgħallem il-lezzjoni, kompli miexi ’l quddiem u qatt tinsa tieħu ħsieb tiegħek innifsek.Għax xi kultant, l-imħabba li tkun tajt lil ħaddieħor trid titgħallem tagħti ftit minnha wkoll lilek innifsek.

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Gossip

Tislima Speċjali Lil Fr Gabriel Gauci Għall-Ħidma U S-Servizz Tiegħu Fil-Parroċċa, U Merħba Kbira Lil Fr David Pace…

Matthea Grech Illum

Il-Parroċċa Madonna ta’ Loreto, Għajnsielem, sellmet lil Fr Gabriel Gauci b’messaġġ ta’ ringrazzjament u gratitudni għas-servizz li ta matul iż-żmien tiegħu fil-komunità.Il-parroċċa rringrazzjatu għall-ħidma u d-dedikazzjoni tiegħu, filwaqt li awguratlu l-isbaħ xewqat għall-missjoni l-ġdida li ġiet fdata f’idejh bħala Arċipriet tal-Parroċċa tal-Qala. Il-komunità qalet, li aktar ’il quddiem se tagħti d-dettalji dwar il-Quddiesa ta’ Radd […]