Ixxerja

Il-biljetti għall-Eurovision Song Contest 2026 nbiegħu kollha f’ħin rekord. Ħabbru dan l-EBU permezz ta’ stqarrija uffiċjali.

Il-Finali, li se ssir fi Vjenna f’Mejju li ġej, inbiegħet f’14-il minuta, filwaqt li l-biljetti għaż-żewġ semifinali inbiegħu fi żmien 20 minuta.

Il-biljetti għall-Preview Shows inħatfu malajr kollha, u fi żmien siegħa mill-ftuħ tal-bejgħ ma kien fadal xejn disponibbli. Il-Wiener Stadthalle, li se tospita l-avveniment, għandha waħda mill-akbar kapaċitajiet li qatt kellha sala tal-Eurovision f’dawn l-aħħar snin.

View this post on Instagram

A post shared by Eurovision Song Contest (@eurovision)

Id-Direttur tal-Eurovision Song Contest, Martin Green CBE, qal li r-rispons kien straordinarju u jfakkar fil-ferħ, l-għaqda u l-esperjenza kondiviża li jirrappreżenta l-konkors.

Huwa żied li dawk li ma rnexxilhomx jiksbu biljetti se jkollhom opportunitajiet oħra aktar tard fir-rebbiegħa, u li se jitħabbar mod eċitanti biex il-partitarji jesperjenzaw il-Eurovision eqreb lejn darhom.

B’kollox, din is-sena 35 xandar pubbliku se jibgħat artisti u kanzunetti biex jikkompetu fil-Eurovision Song Contest, fis-semifinali tat-12 u l-14 ta’ Mejju, u fil-finali tas-16 ta’ Mejju.

Int taf min xtaq jixtri biljett għal Vjenna? Fil-każ din l-aħbar tinteressahom!

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Spettaklu

“Dawn Il-Ħaddiema Huma Verament Dedikati U S-Sehem Tagħhom Hu Kruċjali Biex Avveniment Bħal Dan Jittella’ B’Suċċess…” –…

Kyle Zarb Illum

Lill-Ministru Owen Bonnici rajnieh f’diversi filmati u avvenimenti relatati mal-Malta Eurovision dan l-aħħar, u llum sab ħin biex iżur lill-kru kollu ta’ dan il-festival prestiġjuż. Fil-filmat jidher jiltaqa’ mal-kantanti li qed jikkompetu, u ma’ diversi membri mit-tim u l-kru kollu tal-Malta Eurovision ta’ din is-sena. “Illum jibda l-Eurovision Song Malta. Kelli l-opportunità nqatta’ ftit ħin […]