Ixxerja

Il-Membru Parlamentari Peter Agius informa lis-segwaċi tiegħu li matul din il-ġimgħa għadda minn operazzjoni f’widnejh li wasslet biex bħalissa qed iħossu ftit indispost.

Minkejja dan, huwa assigura lil kulħadd li jinsab f’qagħda tajba u li l-operazzjoni rnexxiet. Huwa esprima t-tama li l-irkupru tiegħu jkun wieħed mgħaġġel sabiex ikun jista’ jerġa’ lura għan-normal u jkompli bil-ħidma tiegħu kemm jista’ jkun malajr.

Permezz ta’ messaġġ li qasam pubblikament, Agius skuża ruħu minn qabel jekk idum biex jirrispondi għal messaġġi jew telefonati u spjega li dan id-dewmien huwa dovut għall-kundizzjoni temporanja tiegħu wara l-intervent mediku.

Huwa rringrazzja lil dawk kollha li wrew ħsibijiethom u taw appoġġ u esprima t-tama li dalwaqt ikun jista’ jerġa’ lura għar-rutina normali tiegħu. Il-messaġġ ta’ Agius intlaqa’ b’ħafna awguri ta’ fejqan u kuraġġ minn diversi persuni fuq il-midja soċjali, inklużi kollegi, ħbieb u membri tal-pubbliku, li wrew solidarjetà u xewqat sinċiera li jarawh lura f’saħħtu dalwaqt.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

“Din Hija D-Disa’ Ġimgħa Li Fiha Qed Niekol Ikel Sustanzjuż U Qed Nittrenja B’Mod Konsistenti” – Raisa Ta’ My Trio

Gwida.mt Ilbieraħ

Raisa Brincat Newell li hi magħrufa fuq il-midja soċjali għall-paġna tagħha My Trio tkellmet dwar sfida li qed tagħmel bħalissa sabiex tiekol ikel sustanzjuż u tittrenja b’mod konsistenti. Tispjega li bħalissa tinsab fid-disa’ ġimgħa ta’ din l-isfida. Hi ssostni li daħlet għaliha din l-isfida mhux sabiex titlef il-piż iżda bil-għan li tikseb iżjed rispett lejha […]