Għalkemm il-Milied ħafna drabi jiġi ppreżentat bħala żmien ta’ ferħ u għaqda, ir-riċerka psikoloġika turi li għal ħafna nies dan l-istaġun jista’ jkun emozzjonalment diffiċli. Studji fil-psikoloġija soċjali jindikaw li l-pressjoni li suppost inkunu ferħanin tista’ twassal għal stress, ansjetà u sens ta’ falliment personali meta r-realtà ma taqbilx mal-aspettattivi.
Il-fenomenu magħruf bħala social comparison jiżdied waqt il-perjodu tal-Milied. Meta nqabblu ħajjitna ma’ dak li naraw fuq il-midja soċjali jew fir-reklami , familji perfetti, ikel abbundanti u tbissim konstanti, moħħna jinterpreta n-nuqqas ta’ dan kollu bħala telf jew falliment. Skont riċerka ppubblikata fil-Journal of Affective Disorders, dawn il-kuntrasti jistgħu jżidu s-sintomi ta’ dipressjoni, speċjalment f’nies li diġà qed jesperjenzaw vulnerabbiltà emozzjonali.
Barra minn hekk, il-Milied jista’ jqajjem memorji diffiċli, relazzjonijiet tensi fil-familja, jew sens ta’ solitudni. Il-psikologi jenfasizzaw li dawn ir-reazzjonijiet huma normali u validi. Il-benesseri mentali ma jitlobx ferħ obbligatorju, imma spazju biex inħossu dak li verament qed ngħixu. Kultant, l-aktar rigal importanti li nistgħu nagħtu lilna nfusna hu l-permess li nkunu onesti emozzjonalment, anke fil-Milied. Il-benesseri mentali ma jitlobx ferħ obbligatorju, imma spazju biex inħossu dak li verament qed ngħixu. Kultant, l-aktar rigal importanti li nistgħu nagħtu lilna nfusna hu l-permess li nkunu onesti emozzjonalment — anke fil-Milied.
