Ixxerja

Il-Ministru Alison Zerafa Civelli żaret il-grawnd tal-futbol tal-Isla sabiex tara mill-qrib ix-xogħlijiet li bħalissa qed jitwettqu mid-Dipartiment tax-Xogħlijiet Pubbliċi, bil-għan li jkomplu jittejbu l-faċilitajiet sportivi fil-lokalità. Permezz ta’ messaġġ fuq il-mezzi soċjali, il-Ministru spjegat li din iż-żjara kienet opportunità sabiex issegwi l-progress tax-xogħlijiet u tara l-interventi li qed isiru biex jinħoloq ambjent aħjar għal dawk kollha li jagħmlu użu minn dan il-ground.

"Żort il-ground biex nara mill-qrib ix-xogħlijiet li qed jitwettqu mid-Dipartiment tax-Xogħlijiet Pubbliċi, bil-għan li nkomplu ntejbu l-faċilitajiet sportivi u noffru ambjent aħjar lil dawk kollha li jużawhom," kitbet il-Ministru.

It-titjib fil-faċilitajiet sportivi għandu importanza partikolari għall-komunitajiet lokali, speċjalment għat-tfal u ż-żgħażagħ li jipprattikaw il-futbol u sport ieħor. Permezz ta’ dawn ix-xogħlijiet, il-ground tal-Isla mistenni joffri ambjent aktar adattat għal dawk kollha li jużawh, filwaqt li jkompli jservi bħala spazju importanti għall-attività sportiva fil-komunità.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“Żgur Li Mhux Waħdi Li Niftakarni Nistudja Xi Poeżija Ta’ Dun Karm Psaila” – Il-Ministru Malcolm Paul Agius Galea

Emil Calleja Bayliss Illum

Il-Ministru Malcolm Paul Agius Galea qasam riflessjoni fuq il-mezzi soċjali fl-okkażjoni tal-65 anniversarju mill-mewt tal-Poeta Nazzjonali Malti, Dun Karm Psaila, li jibqa’ wieħed mill-aktar persunaġġi importanti fl-istorja letterarja ta’ pajjiżna. Fil-messaġġ tiegħu, il-Ministru fakkar fi żmien l-iskola, meta kien jistudja l-poeżiji ta’ Dun Karm, esperjenza li żgur ħafna Maltin jistgħu jidentifikaw ruħhom magħha.“Żgur li mhux […]