Ixxerja

Joe Camilleri jirrakkonta mal-paġna lokali The People of Malta, kif bħala żagħżugħ iddeċieda li jitlaq minn pajjiżu biex ifittex futur aħjar. L-ewwel attentat tiegħu kien meta nħeba ġo lifeboat fuq vapur lejn l-Awstralja, iżda nqabad u spiċċa maqful sakemm sħabu ġabru Lm40 biex jeħilsuh.

Ftit wara reġa’ pprova, din id-darba fuq vapur tal-faħam lejn l-Ingilterra. Wara tmint ijiem fuq il-baħar qabeż f’baħar friżat, iżda sab lill-pulizija jistennewh u ntbagħat lura Malta.

Wara perjodu fil-Libja fi żmien Muammar Gaddafi, finalment irnexxielu jmur jaħdem l-Ingilterra. Ħadem fir-Regent Hotel u darba saħansitra spiċċa f’sitwazzjoni imbarazzanti mal-attur Peter Sellers. Aktar tard, wara argument, spiċċa l-ħabs fuq Isle of Sheppey fejn qatta’ tliet snin.

Il-ħolma Amerikana ġiet wara. B’passaport falz wasal il-Kanada u qasam lejn l-Istati Uniti, fejn aktar tard kiseb il-Green Card u għex 23 sena hemmhekk. Minkejja kollox, illum jgħid li bħal Malta m’hawnx.

Iżżewweġ darbtejn u kellu erbat itfal, għalkemm tnejn minnhom mietu. Jistqarr li l-ħajja għallmitu jkun aktar għaqli u li sal-lum għadu jgħin lil min ikun fil-bżonn. Jgħid li jekk jara lil xi ħadd bil-ġuħ, jagħtih x’jiekol – għax it-tbatija għallmitu jifhem aktar lill-oħrajn.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Ir-Riħ Qawwi Jwassal Biex Il-Karozzi Tal-Linja Jinħarġu Mill-Fosos Tal-Furjana Għall-Karrijiet Tal-Karnival

Kyle Zarb Illum

Riħ qawwi mbassar għal tmiem il-ġimgħa wasslu biex l-awtoritajiet iċċaqalqu temporanjament parti mit-terminus tal-karozzi tal-linja fil-Belt Valletta lejn il-Furjana biex jipproteġu l-karrijiet tal-Karnival. Din is-sena, il-karrijiet se jkunu pparkjati fil-fosos ta’ San Ġakbu. L-Uffiċċju Meteoroloġiku qed ibassar irjieħ mill-punent, majjistral, b’forza ta’ seba’ għal tmienja bejn il-Ħamis u l-Ġimgħa. It-tibdil jaffettwa lil dawn ir-rotot: Zone […]