Ixxerja

Tħabbru d-dettalji tal-funeral ta’ Ġorġ Mallia, li l-aħbar tal-mewt tiegħu ħasdet u nikktet lil bosta persuni li tul is-snin segwew u apprezzaw il-ħidma tiegħu.

L-aħħar tislima lil Ġorġ se tingħata nhar is-Sibt, 22 ta’ Awwissu, fil-Knisja Parrokkjali ta’ San Ġorġ f’Ħal Qormi. Il-funeral se jibda fit-8:30 ta’ filgħodu, hekk kif familjari, ħbieb, kollegi u dawk kollha li kienu jammiraw il-ħidma tiegħu jinġabru biex jagħtuh l-aħħar tislima.

Ġorġ Mallia ħalla marka importanti fix-xena kulturali u kreattiva Maltija permezz tal-ħidma tiegħu bħala kartunista, kittieb, akkademiku u edukatur. L-istil distint tiegħu u s-sens ta’ umoriżmu li kien jikkaratterizza ħafna mix-xogħol tiegħu wasslu biex il-ħidma tiegħu tibqa’ mfakkra minn ġenerazzjonijiet differenti.

Tul il-karriera tiegħu, Ġorġ mess il-ħajja ta’ ħafna, mhux biss permezz tax-xogħlijiet tiegħu iżda wkoll permezz tat-tagħlim u l-kontribut tiegħu fil-qasam tal-komunikazzjoni u l-arti.

Nhar is-Sibt, dawk li kienu jafuh, ħadmu miegħu jew sempliċement trabbew jammiraw il-kreattività tiegħu se jkollhom l-opportunità li jinġabru flimkien biex jagħtuh l-aħħar tislima.

Strieħ fis-sliem, Ġorġ.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Cat Café Ġdid F’Bormla! Spazju Pubbliku Se Jinbidel F’Post Għall-Komunità U Għall-Qtates

Emil Calleja Bayliss Illum

Dawk kollha li jħobbu l-qtates għandhom aħbar sabiħa x’jistennew f’Bormla! Fil-lokalità mistenni jiġi żviluppat Cat Café ġdid, proġett li se jgħaqqad flimkien spazju għall-komunità ma’ ambjent adattat għall-qtates li jgħixu fiż-żona. Dan sar possibbli wara ftehim bejn l-Awtorità tal-Artijiet u l-Kunsill Lokali ta’ Bormla, li permezz tiegħu proprjetà pubblika fi Triq it-Tlett Ibliet se tingħata […]