Ixxerja

Messaġġ emozzjonanti li nxtered fuq il-paġna ta’ Facebook Kate: Writing My Story wassal riflessjoni dwar x’inhi tassew l-imħabba u kemm il-ġenituri jistgħu jitgħallmu minn uliedhom.

Omm Kate stqarret li xi drabi tistaqsi għaliex bintha trid taffaċċja daqstant sfidi u taħdem tant għal affarijiet li għal oħrajn jiġu b’mod naturali. Għalkemm m’għandhiex tweġibiet għal kollox, matul is-snin bdiet tifhem kemm l-esperjenza tagħhom għallmitha dwar il-paċenzja, il-fehim u s-sagrifiċċju.

Fost il-ħsibijiet tagħha, enfasizzat li l-komunikazzjoni mhijiex biss kliem. Ħarsa, tbissima, mess jew ġest żgħir jistgħu jwasslu messaġġ qawwi. Semmiet ukoll kemm il-ġentilezza u l-gratitudni huma importanti, speċjalment f’dinja li ta’ spiss tkejjel is-suċċess bil-flus u l-affarijiet materjali. Minkejja l-imħabba kbira li għandha lejn bintha, l-omm ma ħbietx li l-ħajja tal-familja ġġib magħha għeja, inkwiet u sagrifiċċji. Fl-istess waqt, għamlitha ċara li l-istorja ta’ Kate mhijiex biss mezz biex l-oħrajn jitgħallmu xi lezzjoni. 

Finalment,  l-omm qalet li “Kate hija tifla bil-ħolm, bis-sentimenti u bil-personalità tagħha u jistħoqqilha kull opportunità biex tgawdi ħajjitha bis-sħiħ.”

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Manoel Island: Jibdew L-Ewwel Xogħlijiet Biex Issir Park Nazzjonali

Kyle Zarb Illum

Bħala parti mill-ewwel ħidma biex Manoel Island tinbidel f’park nazzjonali, bdew xogħlijiet estensivi ta’ tindif u manutenzjoni. Din il-ħidma hija pass lejn it-twettiq tal-impenn tal-Gvern li Manoel Island issir spazju miftuħ għall-pubbliku, fejn il-familji jkunu jistgħu jgawdu l-ambjent naturali u l-wirt storiku li joffri dan il-post.Din l-ewwel fażi ta’ ħidma qed titwettaq mid-Diviżjoni għat-Tindif u […]