Ixxerja

L-attur lokali Henry Zammit Cordina kiseb suċċess internazzjonali wara li ngħata l-premju Best Actor in a Short Film waqt it-tielet edizzjoni tal-Miracle Makers International Film Festival, li saret f’Newport Beach, f'California.

Il-premju ngħata għall-interpretazzjoni tiegħu tal-karattru Paul of Tarsus fil-film qasir Onesimus. Skont ir-riżultati uffiċjali tal-festival, il-film kiseb ukoll rikonoxximent fil-kategorija tal-iskript, b’Felicia Cameron imsemmija bħala r-rebbieħa tal-Best Teleplay, Pilot or Web Series Script għal Onesimus.

F’messaġġ ta’ ringrazzjament, Henry esprima l-apprezzament tiegħu lejn it-tim kollu tal-produzzjoni, fosthom il-produttur eżekuttiv Chris Johnson, il-kittieba Felicia Cameron u Aleksa Ristovic, kif ukoll l-organizzaturi tal-festival.

Dan is-suċċess ikompli jsaħħaħ il-preżenza ta’ talent Malti fix-xena ċinematografika internazzjonali, b'artisti lokali jiksbu dejjem aktar rikonoxximent lil hinn minn xtutna.

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Gossip

“Hawn Jien… Fuq L-Għatba Tal-Kapitlu 30!… Kull Kapitlu Wassalni Pass Eqreb Lejn Il-Mara Li Jien Illum” – Desirei Grech

Kyle Zarb Illum

Is-sindku Desirei Grech kitbet messaġġ f’għeluq it-30 sena tagħha b’riflessjoni personali dwar il-mixja li wasslitha sal-lum.F’messaġġ fuq il-midja soċjali, Desirei qalet li meta kienet iżgħar kienet taħseb li persuna li tagħlaq it-30 sena tkun diġà “kibret, saret adulta u taf x’inhi tagħmel”. Illum, hekk kif tinsab fuq l-għatba ta’ dan il-kapitlu ġdid, tirrealizza li l-ħajja […]