L-attur Jon Bernthal, li ħafna jiftakruh għar-rwol tiegħu f’The Walking Dead u li bħalissa qed jieħu sehem f’żewġ films kbar, The Odyssey u Spider-Man: Brand New Day, reċentement kien mistieden fil-programm The Howard Stern Show, fejn tkellem dwar il-klieb.
Bernthal irrakkonta kif fl-2009 kien ġie arrestat wara li ta daqqa ta’ ponn lil raġel li kien qabad il-kelb tiegħu tat-tip pit bull waqt li kienu qed jimxu. Huwa sostna li l-klieb tiegħu huma mħarrġa sew u ma attakkawx lir-raġel li kien ipprovokahom.
Bernthal stqarr ukoll li r-reputazzjoni ħażina li għandhom il-klieb pit bull hija inġusta u li n-nies għandhom jieqfu minn dan l-atteġġjament. "Huwa sempliċiment razziżmu. Huwa razziżmu kontra l-klieb. Li tibża’ minn razza ta’ kelb hija xi ħaġa kompletament redikola. Hija bħal meta tibża’ minn xi ħadd minħabba r-razza jew l-orjentazzjoni sesswali tiegħu. Hija xi ħaġa assurdissima," qal Bernthal. Huwa kompla jgħid: "Ara, jekk jigmdek pit bull, mhux se tkun esperjenza pjaċevoli. Iżda m’hemmx probabbiltà akbar li jigmduk milli kieku jkun Chihuahua jew kelb ta’ razza oħra."
