Ixxerja

Ritratti tas-siġar fuq il-gżira ta’ Kemmuna wasslu lil Howard Keith Debono biex jaqsam riflessjoni dwar l-istat tal-ambjent u d-direzzjoni li qed tieħu Malta.

F’kitba fuq il-midja soċjali, Debono qal li fi tmiem il-ġimgħa żar Kemmuna ma’ xi ħbieb u gawda mill-ġmiel naturali tal-gżira. Madankollu, il-folla ta’ dgħajjes, it-traffiku marittimu u l-mewġ kontinwu wassluh biex jaħseb dwar id-deċiżjoni riċenti tal-ERA.

Huwa ftakar ukoll, fiż-żjarat li kien jagħmel ta' kull sena meta wliedu kienu żgħar, meta l-gżira kienet toffri esperjenza aktar avventuruża u kważi qisha baqgħet imwaħħla fiż-żmien.

Skont Debono, il-bidla hija inevitabbli, iżda hemm deċiżjonijiet li, ladarba jittieħdu, jistgħu jkunu irriversibbli. Huwa sostna, li din mhijiex kwistjoni ta’ kulur politiku, iżda problema li taffettwa lil kulħadd, fosthom l-art limitata, il-popolazzjoni, it-traffiku u l-impatti ambjentali.

Fl-aħħar tal-messaġġ tiegħu, Debono ħalla riflessjoni qawwija: “Sempliċement għax nistgħu, ma jfissirx li għandna.”

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Artikli Ricenti

“Mexxej B’Rispett U Empatija”: L-Iskola Primarja Ta’ Ħal Tarxien Issellem Lis-Surmast Joseph Mifsud Li Ħalla Din…

Bradley Zerafa Ilbieraħ

Il-komunità edukattiva tal-Kulleġġ San Tumas More, partikolarment dik tal-iskola Primarju ta’ Ħal Tarxien, tinsab f’luttu wara t-telfa tal-Kap tal-Iskola tant maħbub, is-‘Surmast’ Joseph Mifsud. Permezz ta’ messaġġ emozzjonali, l-iskola sellmet il-memorja ta’ edukatur eċċezzjonali li ddedika ħajtu biex imiss u jbiddel il-ħajja ta’ eluf ta’ studenti u mijiet ta’ kollegi li kellhom il-privileġġ li jaħdmu […]